மிஷ்கின் அடுத்த படத்தின் டிரைலர் ரிலீஸ் தேதி அறிவிப்பு
- IndiaGlitz, [Thursday,January 24 2019]
தமிழ் சினிமாவின் வித்தியாசமான இயக்குனர் என்ற பெயர் பெற்ற இயக்குனர் மிஷ்கின், விஷால் நடித்த 'துப்பறிவாளன்' படத்தை அடுத்து தற்போது 'சைக்கோ' என்ற படத்தை இயக்கி வருகிறார். இந்த படத்தில் உதயநிதி ஸ்டாலின், நித்யா மேனன், அதிதிராவ் ஹைதி உள்பட பலர் நடித்து வருகின்றனர்.
இந்த நிலையில் மிஷ்கின் 'சுட்டுப்பிடிக்க உத்தரவு' என்ற படத்தில் முக்கிய வேடம் ஒன்றில் நடித்து வருகிறார். விக்ராந்த் ஹீரோவாக நடித்து வரும் இந்த படத்தில் இயக்குனர் சுசீந்திரனும் நடித்து வருகிறார். இந்த படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் இந்த படத்தின் டிரைலர் நாளை வெளியாகவுள்ளதாக அறிவிக்கப்பட்டுள்ளது. இதனை உறுதி செய்யும் வகையில் இந்த படத்தின் புதிய போஸ்டர் ஒன்றும் வெளியாகியுள்ளது.
'தமிழுக்கு எண் ஒன்றை அழுத்தவும்', 'போக்கிரி ராஜா' போன்ற படங்களை இயக்கிய ராம்பிரகாஷ் ராயப்பா இயக்கி வரும் இந்த படத்தின் நாயகியாக அதுல்யா ரவி நடித்து வருகிறார். ஜேக்ஸ் பிஜாய் இசையில் சுஜித் சரங் ஒளிப்பதிவில் ராமராவ் படத்தொகுப்பில் இந்த படம் உருவாகி வருகிறது.