சுசி கணேசன் இயக்கும் அடுத்த படத்தின் இசையமைப்பாளர்: ஆச்சரிய அறிவிப்பு!
- IndiaGlitz, [Friday,January 07 2022]
பிரபல இயக்குனர் சுசி கணேசன் இயக்கும் அடுத்த திரைப்படத்தின் இசையமைப்பாளர் குறித்த அதிகாரப்பூர்வ அறிவிப்பு வெளியாகி உள்ளதை அடுத்து இந்த அறிவிப்பு அனைவருக்கும் ஆச்சரியத்தை அளித்துள்ளது என்பது குறிப்பிடத்தக்கது.
‘பைவ் ஸ்டார்’ என்ற திரைப்படத்தின் மூலம் இயக்குனராக அறிமுகமான இயக்குனர் சுசி கணேசன், ’திருட்டு பயலே’ ’கந்தசாமி’ ’திருட்டுப்பயலே 2’ உள்ளிட்ட ஒருசில படங்களை இயக்கினார் என்பது குறிப்பிடத்தக்கது. இந்த நிலையில் தற்போது ’வஞ்சம் தீர்த்தாயடா’ என்ற படத்தை இயக்கி வருகிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பது குறிப்பிடத்தக்கது.
இந்த நிலையில் இந்த படத்தில் இசைஞானி இளையராஜா இசையமைக்க உள்ளதாக அதிகாரப்பூர்வமாக அறிவிக்கப்பட்டுள்ளது. இதுகுறித்த புகைப்படமும் இணையதளங்களில் வைரலாகி வருகிறது.
இயக்குனர் சுசி கணேசனின் முந்தைய படங்களுக்கு பரத்வாஜ், வித்யாசாகர், தேவிஸ்ரீ பிரசாத், தேவா உள்ளிட்டோர் இசையமைத்த நிலையில் தற்போது முதல் முறையாக அவர் இசைஞானி இளையராஜாவுடன் இணைய உள்ளார் என்பது குறிப்பிடத்தக்கது.