సుశాంత్ స్టార్ట్ చేసాడు
- IndiaGlitz, [Thursday,September 24 2015]
కాళిదాసు చిత్రంతో హీరోగా ప‌రిచ‌య‌మై...క‌రెంట్, అడ్డా...చిత్రాల‌తో ఆక‌ట్టుకున్న నాగ్ మేన‌ల్లుడు సుశాంత్. అడ్డా సినిమాతో స‌క్సెస్ సాధించినా..మ‌రో సినిమా స్టార్ట్ చేయ‌డానికి చాలా టైం తీసుకున్నాడు.ఇంద్ర‌గంటి మోహ‌న్ క్రిష్ణ తో సుశాంత్ సినిమా అని ప్ర‌క‌టించారు. కానీ ప్రారంభం కాలేదు.ఆత‌ర్వాత వెంక‌టాద్రి ఎక్స్ ప్రెస్ డైరెక్ట‌ర్ మేర్ల‌పాక గాంధీతో సినిమా అని ఎనౌన్స్ చేసారు. ఇది కూడా ప్రారంభం కాలేదు. ఇటీవ‌ల జి.నాగేశ్వ‌ర‌రెడ్డితో సినిమా ఎనౌన్స్ చేసారు. కానీ ఇప్ప‌టి వ‌ర‌కు సెట్స్ పైకి వెళ్ల‌లేదు.
ఇంత‌లో..విష్ణు, నాగేశ్వ‌రెడ్డి కాంబినేష‌న్లో ఓ మూవీ చేస్తున్నాను అంటూ అనిల్ సుంక‌ర్ ప్ర‌క‌టించ‌డంతో అస‌లు...సుశాంత్, నాగేశ్వ‌ర‌రెడ్డిల సినిమా ఏమైంది..? అస‌లు వీరిద్ద‌రి కాంబినేష‌న్లో సినిమా ఉంటుందా అనే అనుమానం క‌లిగింది. కానీ సుశాంత్ నాగేశ్వ‌ర‌రెడ్డితో సినిమా స్టార్ట్ చేసాడు. వినోదం ప్ర‌ధానం గా ఈ మూవీ ఉంటుంద‌ట.
నాగ్ స‌మ‌క్షంలో జ‌రిగిన ఈ మూవీ ప్రారంభోత్స‌వం స్టిల్ కూడా ట్విట్ట‌ర్ లో పోస్ట్ చేసాడు సుశాంత్. త్వ‌ర‌లోనే షూటింగ్ ప్రారంభిస్తార‌ట. సుశాంత్ కూడా మంచి డాన్స‌ర్. కానీ ఎందుక‌నో..ఆశించిన రేంజ్ లో స‌క్సెస్ రావ‌డం లేదు. మ‌రి..ఈసారైనా సుశాంత్ సూప‌ర్ స‌క్సెస్ సాధిస్తాడ‌ని ఆశిద్దాం.