సక్సెస్ పై సుశాంత్ పూర్తి నమ్మకానికి కారణం అదే..
- IndiaGlitz, [Tuesday,June 14 2016]
కాళిదాసు, క‌రెంట్, అడ్డా...చిత్రాల‌తో అల‌రించిన సుశాంత్ తాజా చిత్రం ఆటాడుకుందాం రా. ఈ చిత్రాన్ని జి.నాగేశ్వ‌ర‌రెడ్డి ద‌ర్శ‌క‌త్వంలో శ్రీ నాగ్ కార్పోరేష‌న్ బ్యాన‌ర్ పై నాగ సుశీల, చింత‌ల‌పూడి శ్రీనివాస‌రావు సంయుక్తంగా నిర్మిస్తున్నారు. ఈ చిత్రానికి శ్రీధ‌ర్ సీపాన క‌థ అందించ‌గా, అనూప్ మ్యూజిక్ అందించారు. ఇటీవ‌ల జ‌రిగిన షూటింగ్ తో టాకీ పూర్త‌య్యింది.
ప్రస్తుతం పోస్ ప్రొడ‌క్ష‌న్ వ‌ర్క్ జ‌రుపుకుంటుంది. త్వ‌ర‌లోనే అన్నికార్య‌క్ర‌మాలు పూర్తి చేసి ఆటాడుకుందాం రా చిత్రాన్ని గ్రాండ్ గా రిలీజ్ చేయ‌డానికి ప్లాన్ చేస్తున్నారు.అయితే.. ఈ సినిమా సక్సెస్ పై సుశాంత్ పూర్తి న‌మ్మ‌కంతో ఉన్నారు. దీనికి కారణం ఏమిటంటే... నాగార్జున న‌టించిన సిసింద్రీ చిత్రంలోని పాట ఆటాడుకుందా రా...నే టైటిల్ గా పెట్టుకోవ‌డం...దీనికి తోడు సీమ శాస్త్రి, సీమ టపాకాయ్, దేనికైనా రెడీ,ఈడోరకం ఆడోరకం...ఇలా సక్సెస్ ఫుల్ ఎంట‌ర్ టైన‌ర్స్ తీసిన జి. నాగేశ్వర్ రెడ్డి ఈ సినిమాకు దర్శకుడు కావ‌డంతో..సక్సెస్ పై పూర్తి న‌మ్మ‌కంతో ఉన్నాడ‌ట. మ‌రి..సుశాంత్ న‌మ్మ‌కం నిజం అయి ఆటాడుకుందాం రా తో సక్సెస్ సాధిస్తాడ‌ని ఆశిద్దాం.