సుశాంత్ సింగ్ రాజ్‌పుత్ ఆత్మహత్య
- IndiaGlitz, [Sunday,June 14 2020]
బాలీవుడ్ న‌టుడు సుశాంత్ సింగ్ రాజ్‌పుత్ ఆత్మహత్య చేసుకున్నారు. ఈయ‌న వ‌య‌సు 34 ఏళ్లు. టెలివిజ‌న్ యాక్ట‌ర్‌గా కెరీర్‌ను స్టార్ట్ చేసిన సుశాంత్ సింగ్ 2013లో కై పో చే సినిమాతో హీరోగా కెరీర్‌ను స్టార్ట్ చేశాడు. త‌ర్వాత శుద్ దేశీ రొమాన్స్ చిత్రంలోనూ నటించాడు. అలాగే ఆమిర్ ఖాన్ పీకే సినిమాలో నటించాడు. అయితే న‌టుడిగా సుశాంత్‌కు మంచి గుర్తింపు తెచ్చిన చిత్రం మాత్రం ధోని బ‌యోపిక్‌. ఇండియ‌న్ కెప్టెన్ ‘ధోని అన్ టోల్డ్ స్టోరి’ చిత్రంలో ధోని క‌న‌ప‌రిచిన న‌ట‌న సుశాంత్‌కు చాలా మంచి పేరుని తెచ్చి పెట్టింది. చిచోరే సినిమాకు కూడా మంచి పేరు తెచ్చింది. న‌టుడిగా స‌క్సెస్‌పుల్‌గా రాణిస్తోన్న త‌రుణంలో సుశాంత్ సింగ్ రాజ్‌పుత్ ముంబైలో బాంద్రా ఇంట్లో ఆత్మహత్య చేసుకోవ‌డం బాలీవుడ్ వ‌ర్గాల‌కు షాకింగ్‌గా అనిపిస్తుంది.
మేనేజ‌ర్ ఆత్మహత్య చేసుకున్న వారంలోనే...
వారం రోజుల క్రితం సుశాంత్ వ్య‌క్తిగ‌త మేనేజ‌ర్ దిశా స‌లియాన్ ముంబైలోని 14వ అంత‌స్థు నుండి దూకి ఆత్మహత్య చేసుకున్నారు. ఆమె చ‌నిపోయిన వారంలోపే సుశాంత్ సింగ్ రాజ్‌పుత్ ఆత్మహత్య చేసుకోవ‌డం సినీ వ‌ర్గాల‌ను దిగ్భ్రాంతికి గురి చేస్తుంది. అయితే పోలీసులకు అస‌లు సుశాంత్ సింగ్ రాజ్‌పుత్ ఎందుకు ఆత్మహత్య చేసుకోవాల్సి వ‌చ్చింద‌నే దానిపై ఇంకా క్లారిటీ రాలేదు. త్వ‌ర‌లోనే దీనిపై పోలీసులు ద‌ర్యాప్తులో నిజాలు తెలిసే అవ‌కాశం ఉంది.