సక్సెస్ కోసం మావయ్యను ఫాలో అవుతున్న మేనల్లుడు..
- IndiaGlitz, [Tuesday,August 02 2016]
మావయ్యను ఫాలో అవుతున్న మేనల్లుడు ఎవ‌రో కాదు అక్కినేని ఫ్యామిలీ హీరో సుశాంత్. ఇంత‌కీ విష‌యం ఏమిటంటే...ఇటీవ‌ల నాగార్జున న‌టించిన సంచ‌ల‌న చిత్రం సోగ్గాడే చిన్ని నాయ‌నా. క‌ళ్యాణ్ కృష్ణ తెర‌కెక్కించిన సోగ్గాడే చిన్ని నాయ‌నా చిత్రం సంక్రాంతి కానుక‌గా రిలీజై 53 కోట్ల‌కు పైగా షేర్ వ‌సూలు చేసి సంచ‌ల‌నం సృష్టించింది.
ఈ చిత్రంలో నాగార్జున పంచెక‌ట్టుతో బంగార్రాజు పాత్ర‌తో అందర్నీ ఆకట్టుకున్నారు. ఇప్పుడు సుశాంత్ కూడా చిన మావ‌య్య నాగార్జున‌ను ఫాలో అవుతూ పంచెక‌ట్టుతో ద‌ర్శ‌న‌మిస్తున్నాడు. జి.నాగేశ్వ‌ర‌రెడ్డి ద‌ర్శ‌క‌త్వంలో సుశాంత్ న‌టించిన చిత్రం ఆటాడుకుందాం రా. ఈ చిత్రంలో సుశాంత్ తాత అక్కినేని ప‌ల్లెకుపోదాం... అనే పాట‌ను రీమిక్స్ చేసాడు. ఇలా...తాత అక్కినేని, మావ‌య్య నాగార్జున‌ను ఫాలో అవుతూ చేస్తున్న ఆటాడుకుందాం రా సినిమాతో సుశాంత్ సక్సెస్ సాధిస్తాడ‌ని ఆశిద్దాం.