தளபதி விஜய்யின் 'மெர்சல்' திரைப்படம் வரும் தீபாவளிக்கு வெளியாகவுள்ளதாக இயக்குனர் அட்லி, சமீபத்தில் நடந்த இசை வெளியீட்டு விழாவின் போது தெரிவித்திருந்தார். இந்த நிலையில் 'மெர்சல்' படத்திற்கு போட்டியாக இயக்குனர் சுசீந்திரன் தனது 'நெஞ்சிலே துணிவிருந்தால்' படத்தை அதே தீபாவளி தினத்தில் வெளியிடுவதாக சமூக வலைத்தளங்களில் செய்திகள் பரவியது.

இந்த செய்திக்கு சுசீந்திரன் விளக்கம் அளித்துள்ளார். இதுகுறித்து அவர் கூறியதாவது: 'எங்களுடைய 'நெஞ்சிலே துணிவிருந்தால்' திரைப்படத்தை தீபாவளி அன்று வெளியிட திட்டமிட்டுள்ளோம். அனைவரும் மெர்சலை எதிர்த்து வருகிறீர்களா என்று கேட்கிறார்கள். நாங்கள் மெர்சலை எதிர்த்து வரவில்லை, மெர்சல் உடன் வருகிறோம்.

2013, பாண்டியநாடு திரைப்படம் அஜித் சார் படம் ஆரம்பத்துடன் வெளியிட்டோம். ஆரம்பம் படமும் வெற்றி பெற்றது, எங்கள் படமும் வெற்றி பெற்றது' என்று சுசீந்திரன் தெரிவித்துள்ளார்.