தமிழ் திரையுலகில் விளையாட்டு சம்பந்தப்பட்ட உணர்வுபூர்வமான திரைப்படங்களான 'வெண்ணிலா கபடிக்குழு' மற்றும் 'ஜீவா' ஆகிய படங்களை இயக்கியவர் இயக்குனர் சுசீந்திரன்' தற்போது இவர் 'வெண்ணிலா கபடிக்குழு 2' என்ற படத்தையும் இயக்கி வருகிறார்.

இந்த நிலையில் மற்றொரு விளையாட்டு சம்பந்தமான படம் ஒன்றை இன்று அவர் தொடங்கியுள்ளார். 'சாம்பியன்' என்ற டைட்டில் வைக்கப்பட்டுள்ள இந்த படத்தின் பூஜை இன்று சென்னையில் நடைபெற்றது

இந்த படம் முழுக்க முழுக்க கால்பந்து போட்டிகளை மையமாக கொண்டு திரைக்கதை அமைக்கப்பட்டுள்ளதாகவும், இந்த படத்தில் ரோஷன் என்ற புதுமுகம் முக்கிய கேரக்டரில் நடிக்கவுள்ளதாகவும் சுசீந்திரன் தெரிவித்துள்ளார். மேலும் இந்த படத்தில் 'அஞ்சாதே' புகழ் நரேன், ஜிகே ரெட்டி, ஜெயப்பிரகாஷ் உள்ளிட்ட பலர் நடிக்கவுள்ளனர். மிர்ணாளினி என்ற புதுமுகம் இந்த படத்தின் நாயகியாக அறிமுகமாகிறார். இந்த படம் வரும் டிசம்பரில் வெளியிட திட்டமிடப்பபட்டுள்ளது.

இந்த படத்தின் பூஜை இன்று நடைபெற்றதை அடுத்து இந்த படத்தின் ஃபர்ஸ்ட்லுக் போஸ்டர்கள் வெளியாகியுள்ளன என்பதும், இந்த போஸ்டர்கள் சமூக வலைத்தளத்தில் வைரலாகி வருகிறது என்பதும் குறிப்பிடத்தக்கது.