'வெண்ணிலா கபடிக்குழு 2' படத்தில் விஜய் சகோதரர்
- IndiaGlitz, [Sunday,November 27 2016]
பிரபல இயக்குனர் சுசீந்திரன் இயக்கிய முதல் படமான 'வெண்ணிலா கபடிக்குழு' மாபெரும் வெற்றி பெற்ற நிலையில் தற்போது இந்த படத்தின் இரண்டாம் பாகத்தின் படப்பிடிப்பு வரும் டிசம்பர் முதல் தொடங்கவுள்ளது.
முதல் பாகத்தின் நாயகனாக விஷ்ணு நடித்த நிலையில் இந்த படத்தின் இரண்டாம் பாகத்தில் விஜய்யின் சகோதரரும் பிரபல நடிகருமான விக்ராந்த் நடிக்கவுள்ளார். இந்த படத்தின் கதை, திரைக்கதையை சுசீந்திரன் எழுத, அவருடைய உறவினர் செல்வசேகரன் இயக்கவுள்ளார்.
இந்த படமும் கபடி விளையாட்டை மையமாக கொண்டு உருவாக உள்ளதாகவும், மேலும் முதல் பாகத்தில் நடித்த ஒருசில நடிகர்கள் இந்த படத்திலும் நடிக்கவுள்ளதாகவும் கூறப்படுகிறது. மேலும் இந்த படத்தின் நாயகி தேர்வு நடைபெற்று வருவதாகவும் அனேகமாக இந்த படத்தில் புதுமுக நாயகி நடிக்க வாய்ப்பு இருப்பதாகவும், மிகவிரைவில் இதுகுறித்த அறிவிப்பு வெளியாகும் என்றும் படக்குழுவினர் தெரிவித்துள்ளனர்.