'பாயும் புலி'யுடன் இணையும் 'தனி ஒருவன்'
- IndiaGlitz, [Friday,November 06 2015]
விஷால், காஜல் அகர்வால் நடிப்பில் சுசீந்திரன் இயக்கிய 'பாயும் புலி' திரைப்படம் சமீபத்தில் ரிலீஸ் ஆகிய நிலையில் சுசீந்திரன் தனது அடுத்த படத்தின் பணியை தொடங்கிவிட்டதாக கூறப்படுகிறது.
சுசீந்திரனின் அடுத்த படத்தில் 'தனி ஒருவன்' ரவி நடிக்கவுள்ளதாகவும், இதுகுறித்த ஆரம்பகட்ட பேச்சுவார்த்தை நடந்து வருவதாகவும் கூறப்படுகிறது.
'தனி ஒருவன்' படத்தின் சூப்பர் ஹிட்டை தொடர்ந்து ஜெயம் ரவிக்கு பெரிய இயக்குனர்களிடம் இருந்து தற்போது வாய்ப்புகள் வந்து கொண்டிருக்கின்றது. ஏற்கனவே ஏ.எல். விஜய் இயக்கத்தில் ஜெயம் ரவி நடிக்கவுள்ளதாக சமீபத்தில் செய்தி வெளிவந்த நிலையில், தற்போது சுசீந்திரன் படத்திலும் நடிக்க வாய்ப்பு வந்துள்ளது என்பது குறிப்பிடத்தக்கது.
ஏற்கனவே அவர் சக்தி செளந்திரராஜன் இயக்கத்தில் மித்ரன், என்ற படத்தில் நடித்து கொண்டிருக்கின்றார் என்பது குறிப்பிடத்தக்கது.