சுசீந்திரனின் 'ஏஞ்சலினா' குறித்த முக்கிய அப்டேட்
- IndiaGlitz, [Friday,March 16 2018]
கோலிவுட் திரையுலகின் முன்னணி இயக்குனர்களில் ஒருவரான சுசீந்திரன் கடந்த சில மாதங்களாக 'ஏஞ்சலினா' என்ற திரைப்படத்தை இயக்கி வருகிறார் என்ற செய்தியை ஏற்கனவே பார்த்தோம். 'நெஞ்சில் துணிவிருந்தால்' படத்திற்கு பின்னர் சுசீந்திரன் இயக்கி வந்த இந்த படத்தின் படப்பிடிப்பு தற்போது இன்று அதிகாலையுடன் முடிந்துவிட்டதாக அறிவிக்கப்பட்டுள்ளத்ய்.
இதுகுறித்து சுசீந்திரன் தனது சமூக வலைத்தளத்தில் கூறியிருப்பதாவது: எனது அடுத்த திரைப்படமான 'ஏஞ்சலினா' இன்று அதிகாலை படப்பிடிப்பு நிறைவடைந்தது என்பதை மகிழ்ச்சி உடன் தெரிவித்து கொள்கிறேன். இப்படத்தை ஜூன் மாதம் வெளியிட திட்டமிட்டுள்ளோம். இப்படத்தில் பணியாற்றிய அனைத்து டெக்னீஷியன்ஸ், நடிகர்கள் அனைவருக்கும் நன்றியை தெரிவித்து கொள்கிறேன்' என்று தெரிவித்துள்ளார்
முற்றிலும் புதுமுகங்கள் முக்கிய கேரக்டர்களில் நடித்துள்ள 'ஏஞ்சலினா' படத்திற்கு 'விக்ரம் வேதா' புகழ் சாம் சி.எஸ் இசையமைத்துள்ளார். ஏ.ஆர்.சூர்யா ஒளிப்பதிவில், தியாகு படத்தொகுப்பில் உருவாகியுள்ள இந்த படத்தின் பர்ஸ்ட்லுக் போஸ்டரை சுசீந்திரனின் பெற்றோர்கள் சமீபத்தில் வெளியிட்டனர் என்பது குறிப்பிடத்தக்கது.