மிக குறுகிய காலத்தில் திரைப்படம் எடுக்கும் இயக்குனர்களில் ஒருவர் சுசீந்திரன் என்பதும் குறிப்பாக அவர் சிம்புவை வைத்தே ’ஈஸ்வரன்’ என்ற திரைப்படத்தை 40 நாட்களில் முடித்து சாதனை செய்தவர் என்பதும் தெரிந்ததே.

இந்த நிலையில் நாளை தீபாவளி தினத்தில் சுசீந்திரன் தனது ரசிகர்களுக்கு இரண்டு விருந்துகளை அளிக்க உள்ளார். நாளை அதிகாலை 4.32 மணிக்கு பிரம்ம முகூர்த்த நேரத்தில் சுசீந்திரன் இயக்கத்தில் சிம்பு நடித்த ’ஈஸ்வரன்’ படத்தின் டீசர் வெளியாக உள்ளது என்ற தகவலை ஏற்கனவே பார்த்தோம்.

இந்த நிலையில் சுசீந்திரன் இயக்கிய மற்றொரு திரைப்படத்தின் டைட்டில் நாளை மாலை 5 மணிக்கு வெளியாக உள்ளது என சற்றுமுன் அறிவிக்கப்பட்டுள்ளது. இந்த படத்தில் நாயகனாக ஜெய் நடித்துள்ளார் என்பதும் அதுமட்டுமன்றி அவர் இந்த படத்திற்கு இசையமைத்துள்ளார் என்பது குறிப்பிடத்தக்கது.

காலையில் சிம்பு படத்தின் டீசர், மாலையில் ஜெய் படத்தின் டைட்டில் என சுசீந்திரன் நாளை தனது இரண்டு திரைப்படங்களை புரமோஷன் செய்யவுள்ளார் என்பது குறிப்பிடத்தக்கது.