தெலுங்கு திரையுலகின் மாஸ் நடிகரின் திரைப்படத்திற்கு ’சூர்யாவின் சனிக்கிழமை’ என தமிழில் டைட்டில் வைக்கப்பட்டுள்ளது.

பிரபல தெலுங்கு நடிகர் நானி நடிக்கவிருக்கும் 31வது படம் குறித்த அறிவிப்பு சமீபத்தில் வெளியானது. இந்த படத்தில் நானி ஜோடியாக பிரியங்கா மோகன் நடிக்க இருப்பதாகவும் வில்லனாக எஸ்ஜே சூர்யா நடிக்க இருப்பதாகவும் அறிவிக்கப்பட்டது.

இந்த நிலையில் இந்த படத்தின் இரண்டு நிமிட வீடியோ வெளியாகி உள்ள நிலையில் அதில் தமிழ், தெலுங்கு, கன்னடம், மலையாளம் மற்றும் ஹிந்தி என ஐந்து மொழிகளில் இந்த படம் உருவாக இருப்பதாக அறிவிக்கப்பட்டு ஐந்து மொழிகளுக்கும் டைட்டில் அறிவிக்கப்பட்டுள்ளது.

இதில் தமிழில் இந்த படத்திற்கு ’சூர்யாவின் சனிக்கிழமை’ என்ற டைட்டில் வைக்கப்பட்டுள்ளது. இந்த புரமோஷன் வீடியோ தற்போது இணையத்தில் வைரல் ஆகி வருகிறது.

விவேக் அதிரேயா இயக்கத்தில் முரளி ஒளிப்பதிவில் கார்த்திகா படத்தொகுப்பில் ஜேக்ஸ் பிஜாய் இசையில் இந்த படம் உருவாகி வருகிறது. இந்த படம் நானிக்கு மிகப்பெரிய வெற்றி படமாக அமையும் என்று எதிர்பார்க்கப்படுகிறது.