சட்டை பரிசு கொடுத்த ரசிகருக்கு இன்ப அதிர்ச்சி கொடுத்த சூர்யா
- IndiaGlitz, [Sunday,May 27 2018]
கோலிவுட் திரையுலகின் முன்னணி நடிகர்களில் ஒருவராகிய நடிகர் சூர்யா, தனது ரசிகர்கள் மீது அளவுகடந்த அன்பு வைத்துள்ளார் என்பது பல சம்பவங்களில் நிரூபணம் ஆகியுள்ளது. அந்த வகையில் தற்போது வெளிவந்துள்ள ஒரு செய்தி அவரது ரசிகர்களுக்கு பெருமை தரும் வகையில் உள்ளது.
சமீபத்தில் நடிகர் சூர்யாவை சந்தித்த அவரது தீவிர ரசிகர்களில் ஒருவர் அவருக்கு சட்டை ஒன்றை பரிசாக அளித்தார். அந்த சட்டையை சூர்யா அணிவாரா? என்ற சந்தேகம் அந்த ரசிகருக்கு இருந்த நிலையில் அந்த ரசிகருக்கு இன்ப அதிர்ச்சி தரும் வகையில் சமீபத்தில் தனது குடும்பத்துடன் ஒரு நிகழ்ச்சிக்கு சென்ற சூர்யா, ரசிகர் கொடுத்த சட்டையை அணிந்திருந்தார்
ரசிகர் அன்பு பரிசாக கொடுத்த சட்டையை சூர்யா அணிந்தவாறு வெளியான புகைப்படம் தற்போது சமூக வலைத்தளங்களில் வைரலாகி வருகிறது. ரசிகர் கொடுத்த சட்டையின் தரத்தை பற்றி கவலைப்படாமல் அந்த ரசிகரின் உண்மையான அன்புக்கு மதிப்பளித்த சூர்யாவுக்கு பாராட்டுக்கள் குவிந்து வருகிறது