சூர்யா நடத்தும் தடுப்பூசி முகாம்: யாருக்காக தெரியுமா?
- IndiaGlitz, [Friday,July 02 2021]
தமிழகம் உள்பட இந்தியா முழுவதும் கொரோனா வைரஸ் பாதிப்பு அதிகரித்து வரும் நிலையில் அனைத்து மக்களும் தடுப்பூசி செலுத்திக் கொள்ள வேண்டும் என்ற விழிப்புணர்வை மத்திய மாநில அரசு ஏற்படுத்தி வருகிறது. இதனை அடுத்து ஏராளமான மக்கள் தினந்தோறும் தடுப்பூசி போட்டுக் கொண்டு வருகின்றனர் என்பதும் தடுப்பூசி குறித்த விழிப்புணர்வு தற்போது பொதுமக்களிடையே அதிகரித்துள்ளது என்பது குறிப்பிடத்தக்கது.
இந்த நிலையில் நடிகர் சூர்யா சிறப்பு தடுப்பூசி முகாம் ஒன்றை நடத்த இருக்கிறார். இந்த தடுப்பூசி முகாமில் 2டி நிறுவனம் தயாரிக்கும் படங்களில் பணியாற்றும் நடிகர்கள், தொழில்நுட்ப கலைஞர்கள் ஆகியோர்களுக்கு தடுப்பூசி போடப்படும். சென்னை மாநகராட்சியுடன் 2டி நிறுவனம் இணைந்து நடத்தும் இந்த தடுப்பூசி முகாம் ஜூலை 6 மற்றும் 7 ஆகிய இரண்டு நாட்கள் நடைபெறும் என்றும் இந்த இரண்டு நாட்களில் 2டி நிறுவனத்தின் ஊழியர்கள் அனைவருக்கும் தடுப்பூசி போடப்படும் என்றும் செய்திகள் வெளியாகி உள்ளது.
நடிகர் சூர்யா மற்றும் அவரது மனைவி ஜோதிகா ஆகிய இருவரும் சமீபத்தில் தடுப்பூசி போட்டு கொண்டனர் என்பதும் அதுகுறித்த புகைப்படங்கள் வைரலானது என்பதும் தெரிந்ததே.