சூர்யா நடிக்கும் 40வது திரைப்படம் குறித்த அறிவிப்பு கடந்த சில மாதங்களுக்கு முன்னர் வெளியானது என்பதும், சன் பிக்சர்ஸ் நிறுவனம் தயாரிக்கும் இந்தப் படத்தை பாண்டிராஜ் இயக்கி வருகிறார் என்பதும் தெரிந்ததே

இந்த படத்தின் படப்பிடிப்பு தொடங்க இருந்த நேரத்தில் திடீரென சூர்யாவுக்கு கொரோனா பாதிப்பு ஏற்பட்டது என்பதால் படப்பிடிப்பு தள்ளிப்போனது. இருப்பினும் தற்போது சூர்யா இல்லாத காட்சிகள் படமாக்கப்பட்டு வருகிறது என்பது குறிப்பிடத்தக்கது

இந்த நிலையில் தற்போது சூர்யா கொரோனா தொற்றில் இருந்து முற்றிலுமாக குணம் ஆகிவிட்டதை அடுத்து வரும் திங்கட்கிழமை முதல் இந்த படத்தின் படப்பிடிப்பில் கலந்து கொள்ள இருப்பதாக தகவல்கள் வெளிவந்துள்ளது

சூர்யா ஜோடியாக பிரியங்கா மோகன் நடிக்கும் இந்த திரைப்படத்தில் சத்யராஜ் ஒரு முக்கிய கேரக்டரில் நடிக்கிறார். இந்த படத்தின் படப்பிடிப்பு வரும் மே மாதம் முடிவடைந்து விடும் என்றும் அதனை அடுத்து விரைவில் ரிலீஸ் செய்ய படக்குழுவினர் தயாராகி வருகின்றனர் என்பது குறிப்பிடத்தக்கது

நீண்ட இடைவெளிக்குப்பின் சூர்யா மீண்டும் கிராமத்து கதையில், கிராமத்து கெட்டப்பில் புதிய லுக்கில் நடிக்க உள்ளதை அடுத்து இந்த படம் மிகப் பெரிய எதிர்பார்ப்பை ஏற்படுத்தியுள்ளது