உலக தரத்தில் பிரமாண்டம்.. மாஸ் சூர்யா.. கார்த்தியின் கேமியோ.. 'கங்குவா' டிரைலர்..!
- IndiaGlitz, [Monday,November 11 2024]
சூர்யா நடிப்பில், சிறுத்தை சிவா இயக்கத்தில் உருவான ‘கங்குவா’ திரைப்படம் வரும் 14ஆம் தேதி உலகம் முழுவதும் திரையரங்குகளில் பிரம்மாண்டமாக வெளியாக இருக்கும் நிலையில், நேற்று இரவு இந்த படத்தின் டிரைலர் வெளியாகி இணையத்தில் வைரல் ஆகி வருகிறது. எதிர் கொள்வோம், எதிரி கொல்வோம் என்று சூர்யா பேசும் வசனம், நவீனவாசி, கற்காலவாசி என இரண்டு விதமான கேரக்டர்களில் சூர்யா நடிப்பில் மிரட்டி உள்ளார்.
உலக தரப்பில் ஒரு பிரம்மாண்டமான படைப்பு, சிறுத்தை சிவாவின் நவீன யுகம் மற்றும் கற்கால யுகம் என இரண்டையும் மிக்ஸ் செய்த திரைக்கதை, தேவி ஸ்ரீ பிரசாத்தின் மிரட்டும் பின்னணி இசை, சூர்யாவின் மாஸ் நடிப்பு, மற்றும் ஒரே ஒரு காட்சியில் தோன்றும் கார்த்தியின் கேமியோ என ஒரே படத்தில் இத்தனை பாசிட்டிவ் அம்சங்கள் இருப்பதை பார்க்கும் போது, ரசிகர்கள் ஆச்சரியம் அடைந்துள்ளனர்.
‘பாகுபலி’ போன்ற ஒரு பிரமாண்டமான திரைப்படம் தமிழில் உருவாகவில்லை என்று ரசிகர்களின் ஏக்கத்தை தீர்க்கும் வகையில், நிச்சயம் இந்த ‘கங்குவா’ படம் இருக்கும் என்று கூறப்படும் நிலையில், இன்னும் ஒரே சில நாட்களில் வெளியாக உள்ள இந்த படம் மிகப்பெரிய எதிர்பார்ப்பை ஏற்படுத்தி உள்ளது.
சூர்யா, திஷா பதானி, பாபி தியோல், நட்டி, ஜெகபதி பாபு, யோகிபாபு, ரெடின் கிங்ஸ்லி, கோவை சரளா, ஆனந்த்ராஜ், ஜி மாரிமுத்து, தீபா வெங்கட் மற்றும் கேஎஸ் ரவிகுமார் உள்பட பலர் நடித்துள்ளனர். தேவிஸ்ரீ பிரசாத் இசையில், வெற்றி பழனிசாமி ஒளிப்பதிவில், நிஷாத் யூசுப் படத்தொகுப்பில் உருவாகியுள்ள இந்த படம் சுமார் 350 கோடி செலவில் உருவாகியுள்ளது.