ஒரு அருமையான சினிமா அதிசயம் நிகழ்ந்தால் மட்டுமே கிடைக்கும் என்று நடிகர் சூர்யா இன்று வெளியான ‘மெய்யழகன்’ படம் குறித்து தனது சமூக வலைத்தளத்தில் நெகிழ்ச்சி உடன் குறிப்பிட்டுள்ளார்.

சூர்யாவின் 2டி எண்டர்டெயின்மெண்ட் நிறுவனத்தின் தயாரிப்பில் உருவான ‘மெய்யழகன்’ திரைப்படம் இன்று வெளியாகி பாசிட்டிவ் விமர்சனங்களை பெற்று வருகிறது என்பதும் ஒரு நெகட்டிவ் விமர்சனம் கூட இந்த படத்திற்கு வரவில்லை என்பது ஆச்சரியத்தை ஏற்படுத்தி உள்ளது என்பதும் குறிப்பிடத்தக்கது.

கார்த்தி மற்றும் அரவிந்த்சாமி ஆகிய இருவரின் நடிப்புக்கு பாராட்டுக்கள் குவிந்து வரும் நிலையில் இந்த படம் நிச்சயம் வசூலிலும் சாதனை செய்யும் என்று எதிர்பார்க்கப்படுகிறது. விஜய் சேதுபதி, த்ரிஷா நடித்த ’96’ படத்தை இயக்கிய பிரேம்குமார் இயக்கத்தில் கோவிந்த் வசந்தா இசையில் உருவாகிய இந்த படம் அனைவரும் பாராட்டத்தக்க வகையில் உள்ளது.

இந்த நிலையில் இந்த படத்தின் தயாரிப்பாளர் சூர்யா தனது சமூக வலைத்தளத்தில் கூறியதாவது:

ஒரு படம் பொதுவாக மிகுந்த கணக்குகள், செலவுகள் மற்றும் அதிகமான காதலுடன் உருவாக்கப்படுகிறது... ஆனால் தூய சினிமா ஒரு அதிசயம் நிகழ்ந்தால் மட்டுமே உருவாகிறது. மெய்யழகன் உடன் பல அதிசயங்கள் நடந்துள்ளன என நம்புகிறேன்.

அனைவரின் பெரும் அன்புக்கும், விமர்சனத்திற்கு நன்றி... இது அனைத்தும் இந்த படத்தின் திரைக்கதைக்கு கிடைத்த வெற்றி. நன்றி பிரேம், நன்றி அர்விந்த்சாமி சார், நன்றி கார்த்தி, நன்றி கோவிந்த், நன்றி அனைத்து நடிகர் மற்றும் தொழிலாளர்களுக்கு.

A film is usually done with a lot of maths, a lot of calculations and lot of love.. but Pure Cinema happens when a miracle happens. I believe a lot of miracles have happened with #Meiyazhagan
Thank you for the overwhelming love and response dear all... it all started with this… pic.twitter.com/6fdKi3qfRm

— Suriya Sivakumar (@Suriya_offl) September 27, 2024