சூர்யா- ஆர்ஜே பாலாஜி படத்தின் நாயகி இவரா? என்ன டைட்டில் தெரியுமா?
- IndiaGlitz, [Friday,October 18 2024]
சூர்யா நடிப்பில் ஆர். ஜே. பாலாஜி இயக்கத்தில் ஒரு திரைப்படம் உருவாக இருப்பதாக ட்ரீம் வாரியர்ஸ் நிறுவனம் சமீபத்தில் அதிகாரப்பூர்வமாக அறிவித்த நிலையில், இந்த படத்தின் நாயகி மற்றும் டைட்டில் குறித்த தகவல் கசிந்துள்ளது.
நடிகர் சூர்யா நடித்த 'கங்குவா’ என்ற திரைப்படம் நவம்பர் 14 ஆம் தேதி வெளியாக இருக்கின்ற நிலையில், தற்போது அவர் கார்த்திக் சுப்புராஜ் இயக்கத்தில் உருவாகி வரும் படத்தில் நடித்து முடித்துள்ளார். இந்த படமும் இந்த ஆண்டுக்குள் ரிலீஸ் ஆகும் என்று எதிர்பார்க்கப்படுகிறது.
இந்த நிலையில் சூரியாவின் 45 ஆவது படம் குறித்த அறிவிப்பு சமீபத்தில் வெளியானது. மேலும், இந்த படத்தை ஆர். ஜே. பாலாஜி இயக்க இருப்பதாகவும், ஏ. ஆர். ரஹ்மான் இசையமைக்க இருப்பதாகவும் கூறப்பட்டது.
இந்நிலையில், தற்போது வந்துள்ள தகவலின் படி, இந்த படத்தின் நாயகியாக காஷ்மீரா பர்தேஷி நடிக்க இருப்பதாக கூறப்படுகிறது. இவர் ஏற்கனவே ’சிவப்பு மஞ்சள் பச்சை’, ‘அன்பறிவு’, ‘வரலாறு முக்கியம்’, ‘வசந்தமுல்லை’, ‘பரம்பொருள்’, ‘பிடி சார்’ உள்ளிட்ட படங்களில் நடித்துள்ளார் என்பது குறிப்பிடத்தக்கது.
மேலும், இந்த படத்திற்கு ’ஹிண்ட்’ என்ற டைட்டில் வைக்கப்பட்டுள்ளதாகவும் விரைவில் டைட்டில் அதிகாரபூர்வமாக அறிவிக்கப்படும் என கூறப்படுகிறது