சூர்யா நடிப்பில் செல்வராகவன் இயக்கத்தில் வெளிவந்துள்ள 'என்.ஜி.கே' திரைப்படம் கலவையான விமர்சனத்தை பெற்றாலும் வசூலில் திருப்திகரமாக இருப்பதாகவே செய்திகள் வெளிவந்துள்ளது. இரண்டாவது வாரத்திலும் இந்த படத்திற்கு பார்வையாளர்கள் வந்து கொண்டிருப்பதே இதற்கு சாட்சி.

பொதுவாக செல்வராகவன் படங்களுக்கு ஆரம்பத்தில் சுமாரான விமர்சனங்களும் ஒருசில வருடங்கள் கழித்து நல்ல விமர்சனங்களும் வருவதுண்டு. இதற்கு உதாரணங்கள் 'புதுப்பேட்டை' மற்றும் 'ஆயிரத்தில் ஒருவன்' அதேபோல் அரசியல் த்ரில் படமான 'என்.ஜி.கே' படமும் ஒருசில வருடங்கள் கழித்து போற்றப்படும் என எதிர்பார்க்கப்படுகிறது. மேலும் இந்த படத்தில் சில மறைமுக செய்திகளை செல்வராகவன் கூறியிருப்பது போகப்போகத்தான் பார்வையாளர்களுக்கு புரியும் என்ற விமர்சனங்களும் வெளிவந்துள்ளது.

இந்த நிலையில் நடிகர் சூர்யா, 'என்.ஜி.கே' படம் குறித்து வெளிவந்துள்ள விமர்சனங்களுக்கு நன்றி தெரிவித்துள்ளார். இந்த படத்தின் அனைத்து விதமான விமர்சனங்களையும் தான் ஏற்று கொள்வதாகவும், மேலும் விமர்சனங்கள் செய்தவர்களுக்கும் படக்குழுவினர்களுக்கும் தனது நன்றியை தெரிவித்து கொள்வதாகவும், ஒரு வித்தியாசமான முயற்சி செய்த தனக்கு பாராட்டுக்கள் தெரிவித்தவர்களுக்கு நன்றி என்றும் சூர்யா தெரிவித்துள்ளார்.
 

I humbly accept all the love,views and opinions about NGK with utmost humility and thank the masterminds ;) who decoded and appreciated the different attempt, and the actors performances!! Thanks to the entire cast & crew for making this happen #NGK @selvaraghavan @prabhu_sr

— Suriya Sivakumar (@Suriya_offl) June 7, 2019