4 வேதங்கள் கதையம்சம் கொண்ட படத்தில் சூர்யா.. உறுதி செய்த இயக்குனர்..!
- IndiaGlitz, [Wednesday,August 23 2023]
நடிகர் சூர்யா தற்போது ’கங்குவா’ என்ற படத்தில் நடித்துக் கொண்டிருக்கும் நிலையில் இந்த படத்தை முடித்துவிட்டு அவர் வரிசையாக பல படங்களில் கமிட் ஆகியுள்ளார். இந்நிலையில் தெலுங்கில் சூப்பர் ஹிட் வெற்றி பெற்ற ’கார்த்திகேயா 2’ படத்தின் இயக்குனர் சந்து மொன்டெட்டி இயக்கத்தில் ஒரு படத்தில் சூர்யா நடிக்க இருப்பது உறுதி என்றும் இந்த படம் நான்கு வேதங்கள் குறித்த கதை அம்சம் கொண்டது என்றும் கூறப்படுகிறது.
’கங்குவா’ படத்தை முடித்துவிட்டு நடிகர் சூர்யா, ‘சூரரைப்போற்று’ இயக்குனர் சுதா கொங்கரா உடன் இணைந்து ஒரு படத்தில் நடிக்க உள்ளார். இதனை அடுத்து அவர் வெற்றிமாறன் இயக்கத்தில் உருவாக இருக்கும் ’வாடிவாசல்’ திரைப்படத்தில் நடிக்க உள்ளார். அதன் பின்பு அவர் லோகேஷ் கனகராஜ் இயக்கத்தில் உருவாக இருக்கும் ‘ரோலக்ஸ்’, ‘இரும்புக்கை மாயாவி’ ஆகிய படங்களில் நடிக்க உள்ளதாக கூறப்படுகிறது
இந்த நிலையில் ’கார்த்திகேயா 2’ படத்தின் இயக்குனர் சந்து மொன்டெட்டி சமீபத்தில் அளித்த பேட்டியில் நான்கு வேதங்களான ரிக் வேதம், யஜுர் வேதம், சாம வேதம் மற்றும் அதர்வண வேதம் ஆகியவற்றை குறிப்பிடும் கதை ஒன்றை சூர்யாவிடம் கூறியதாகவும் அந்த கதை அவருக்கு பிடித்து விட்டதாகவும் விரைவில் இந்த படம் குறித்த அறிவிப்பு வெளியாகும் என்றும் கூறியுள்ளார்.