திருமணமான இரண்டே மாதத்தில் கர்ப்பமான சூர்யா பட நடிகை: ரசிகர்கள் வாழ்த்து!
- IndiaGlitz, [Saturday,December 31 2022]
சூர்யா நடித்த 'காப்பான்' உள்ளிட்ட பல திரைப்படங்களில் நடித்த நடிகை கடந்த அக்டோபர் மாதம் திருமணம் செய்து கொண்ட நிலையில் தற்போது அவர் கர்ப்பமாக இருப்பதாக வீடியோவை வெளியிட்டுள்ளார். இதனை அடுத்து அவருக்கு வாழ்த்துக்கள் குவிந்து வருகிறது.
பரத் நடித்த ‘முனியாண்டி விலங்கியல் மூன்றாமாண்டு’ என்ற திரைப்படத்தின் மூலம் தமிழில் அறிமுகமானவர் நடிகை பூர்ணா. அதன்பிறகு இவர் ’துரோகி’ ’தகராறு’ உள்பட பல படங்களில் நடித்தார் என்பதும், சூர்யா நடித்த ’காப்பான்’ திரைப்படத்தில் ஒரு முக்கிய கேரக்டரில் நடித்திருந்தார் என்பது குறிப்பிடத்தக்கது.
இந்த நிலையில் நடிகை பூர்ணா கடந்த அக்டோபர் மாதம் துபாய் தொழில் அதிபர் ஆசிப் அலி என்பவரை திருமணம் செய்து கொண்ட நிலையில் திருமணம் தொடர்பான வீடியோவை அவர் தனது சமூக வலைத்தளத்தில் பதிவு செய்து இருந்தார்.
இந்த நிலையில் தற்போது அவர் தனது சமூக வலைத்தளத்தில் வெளியிட்டுள்ள வீடியோவில் ’நான் தாயாகப் போகிறேன் என்றும் என்னுடைய அம்மா அப்பா இருவரும் தாத்தா-பாட்டி ஆக போகிறார்கள் என்று நான் மிகவும் மகிழ்ச்சியுடன் இருக்கிறேன் என்று தெரிவித்துள்ளார். இதனை அடுத்து நடிகை பூர்ணாவுக்கு ரசிகர்கள் தங்களது வாழ்த்துக்களை தெரிவித்து வருகின்றனர்.