சின்ன கலைவாணர் விவேக் அவர்களின் மறைவால் தமிழகமே சோகத்தில் மூழ்கியுள்ளது என்பதும், அவருக்காக சமூக வலைதளங்கள் மூலம் கண்ணீர் அஞ்சலியை திரையுலக பிரபலங்கள் செலுத்தி வருகின்றனர் என்பதையும் பார்த்து வருகிறோம். திரையுலகினர் மட்டுமின்றி அரசியல்வாதிகள் மற்றும் அரசியல் கட்சி தலைவர்கள் உள்பட பலரும் விவேக்கின் மறைவிற்கு தங்களது இரங்கலை தெரிவித்து வருகின்றனர்

இந்த நிலையில் தமிழ்த் திரையுலகின் முன்னணி நடிகர்களான சூர்யா, கார்த்தி மற்றும் சூர்யாவின் மனைவி ஜோதிகா ஆகியோர் விவேக்கின் வீட்டிற்கு நேரடியாக சென்று மலர் அஞ்சலி செலுத்தி மரியதை செலுத்தினார்கள். இது குறித்த புகைப்படங்கள் தற்போது வைரலாகி வருகிறது என்பது குறிப்பிடத்தக்கது

சூர்யா மற்றும் விவேக் ஆகியோர் நேருக்கு நேர், பேரழகன், மாற்றான், சிங்கம், சிங்கம் 2 உள்பட ஒருசில படங்களில் இணைந்து நடித்துள்ளனர் என்பது குறிப்பிடத்தக்கது.

இந்த இன்னும் பல திரையுலக பிரபலங்கள் விவேக்கின் வீட்டிற்கு அஞ்சலி செலுத்த வருவார்கள் என எதிர்பார்க்கப்படுவதால் அங்கு பாதுகாப்பு ஏற்பாடுகள் பலப்படுத்தப்பட்டு உள்ளது என்பது குறிப்பிடத்தக்கது