கடந்த இரண்டு நாட்களாகவே சூர்யாவின் திரைப்படங்கள் குறித்த செய்திகள் அவரது ரசிகர்களுக்கு விருந்தாக வெளிவந்து கொண்டிருக்கின்றது. சூர்யாவின் 'தானா சேர்ந்த கூட்டம்' படத்தின் சென்சார் தகவல்கள், பொங்கல் வெளியீடு, சுர்யா 36 படத்தின் பூஜை என செய்திகள் வெளிவந்து கொண்டிருக்கும் நிலையில் இன்று சூர்யாவின் ரசிகர்களுக்கு மீண்டும் ஒரு சர்ப்ரைஸ் செய்தி கிடைத்துள்ளது.

சூர்யாவின் 'தானா சேர்ந்த கூட்டம்' படத்தின் பாடல்கள் இன்று வெளியாகவுள்ளதாக அறிவிக்கப்பட்டுள்ளது. ஏற்கனவே இந்த படத்தின் நான்கு பாடல்கள் சிங்கிள் பாடலாக வெளிவந்துவிட்ட நிலையில் இந்த படத்தில் உள்ள ஐந்து பாடல்கள் அடங்கிய ஆல்பம் இன்று வெளியாகவுள்ளதாக இந்த படத்தின் இசையமைப்பாளர் அனிருத் தெரிவித்துள்ளார்

இதுகுறித்து அனிருத் வெளியிட்டுள்ள வீடியோ ஒன்றில் கூறியிருப்பதாவது, 'நானா தானா வீணா போனா சரியே இல்லடா, சொடக்கு மேல சொடக்கு போடுது, வெட்டி வீரத்தால வீணா சேர்ந்த கூட்டம், பீலா பீலா பீலா பீலா உடாதே ஆகிய நான்கு பாடல்கள் ஏற்கனவே வெளியாகிவிட்ட நிலையில் என்னுடைய ஃபேவரேட் பாடலான ஐந்தாவது பாடலுடன் கூடிய ஆல்பம் இன்று வெளியாகிறது' என்று கூறியுள்ளார். இன்று பாடல்கள் வெளியாவதை  அடுத்து விரைவில் டிரைலரும் வெளியாகும் என்று எதிர்பார்க்கப்படுகிறது.