சூர்யா, கீர்த்தி சுரேஷ் நடிப்பில் இயக்குனர் விக்னேஷ் சிவன் இயக்கி வரும் 'தானா சேர்ந்த கூட்டம்' படத்தின் இறுதிகட்ட படப்பிடிப்பு வரும் 25ஆம் தேதி முதல் தொடங்கவுள்ளதாகவும், இந்த படப்பிடிப்புடன் இந்த படத்தின் மொத்த படப்பிடிப்பும் முடிந்துவிடும் என்றும் வெளிவந்த செய்தியை சமீபத்தில் பார்த்தோம்

இந்த நிலையில் தற்போது படக்குழுவினர் இந்த படத்தின் ரிலீஸ் தேதி உள்பட சில முக்கிய அறிவிப்புகளை அறிவித்துள்ளனர். இதன்படி இந்த படத்தின் இரண்டாவது சிங்கிள் வரும் அக்டோபர் மாதத்திலும் நவம்பரில் டீசரும், டிசம்பரில் இசை வெளியீடு மற்றும் டிரைலரும் வெளியிடவுள்ளதாக அறிவிக்கப்பட்டுள்ளது.

அதேபோல் இந்த படம் வரும் பொங்கலுக்கு ரிலீஸ் ஆகும் என்பதை குறிக்கும் வகையில் நேற்று வெளியான புதிய போஸ்டரில் 'பொங்கல்க்கு சேர்றோம்' என்று குறிப்பிட்டுள்து.. 2018 ஜனவரி மாதம் 25ஆம் தேதி உலகம் முழுவதும் ரஜினியின் 2.0' வெளிவரவுள்ள நிலையில் சூர்யாவின் 'தானா சேர்ந்த கூட்டம்' அதற்கு ஒருசில நாட்களுக்கு முன்னர் ரிலீஸ் ஆகிறது என்பது குறிப்பிடத்தக்கது.