'தானா சேர்ந்த கூட்டம் முக்கிய பணி முடிந்தது! ஆடியோ ரிலீஸ் எப்போது?
- IndiaGlitz, [Wednesday,December 20 2017]
சூர்யா, கீர்த்திசுரேஷ் நடிப்பில் இயக்குனர் விக்னேஷ் சிவன் இயக்கியுள்ள 'தானா சேர்ந்த கூட்டம்' படத்தின் படப்பிடிப்புகள் முடிவடைந்து தற்போது இரவுபகலாக போஸ்ட் புரடொக்சன்ஸ் பணி நடைபெற்று வருகிறது.
இந்த படம் வரும் பொங்கல் தினத்தில் ரிலீஸ் செய்ய திட்டமிட்டுள்ளதால் டப்பிங் உள்பட அனைத்து பணிகளும் சுறுசுறுப்பாக நடைபெற்று வருகிறது. இந்த நிலையில் நேற்றுடன் இந்த படத்தின் டப்பிங் பணி முற்றிலும் முடிந்துவிட்டதாக படக்குழுவினர் தெரிவித்துள்ளனர். நேற்றைய கடைசி தினத்தில் நவரச நாயகன் கார்த்திக் தனது பகுதிக்கான டப்பிங்கை முடித்து வைத்தார்.
மேலும் இந்த படத்தின் பாடல்கள் ரிலீஸ் தேதி விரைவில் அறிவிக்கப்படவுள்ளதாகவும், அன்றைய தினமே இந்த படத்தின் டிரைலரும் ரிலீஸ் ஆகும் என்றும் எதிர்பார்க்கப்படுகிறது
சூர்யா, சூர்யா, கீர்த்திசுரேஷ், செந்தில், சரண்யா பொன்வண்ணன், ரம்யா கிருஷ்ணன், கோவை சரளா, கே.எஸ்.ரவிகுமார், ஆனந்த்ராஜ், ஆர்ஜே பாலாஜி, சுரேஷ்மேனன், தம்பி ராமையா மற்றும் ஆகியோர் நடித்துள்ள இந்த படத்தை ஸ்டூடியோ க்ரீன் என்டெர்டைன்மெண்ட் நிறுவனம் தயாரித்துள்ளது. இளம் இசைப்புயல் அனிருத் இசையமைத்துள்ள இந்த படம் 2018ஆம் ஆண்டின் முதல் வெற்றிப்படமாக இருக்கும் என்று கருதப்படுகிறது.