சூர்யாவின் தானா சேந்த கூட்டம்' திரைப்படம் கடந்த வெள்ளியன்று பொங்கல் விருந்தாக வெளிவந்து சூர்யாவின் ரசிகர்கள் மட்டுமின்றி அனைத்து தரப்பினர்களின் பாராட்டுக்களை பெற்றது. விக்னேஷ் சிவனின் கச்சிதமாக இயக்கம், அனிருத்தின் இசை ஆகியவை இந்த படத்தின் ப்ளஸ் ஆக பார்க்கப்படுகிறது

இந்த நிலையில் இந்த படம் வெள்ளி, சனி மற்றும் ஞாயிறு ஆகிய மூன்று நாட்களில் தமிழகம் முழுவதும் ரூ.19.1 கோடியும் உலகம் முழுவதும் ரூ.43 கோடிக்கு மேலும் வசூலாகியுள்ளதாக தகவல்கள் வெளிவந்துள்ளது

இந்த படம் சென்னையில் ரூ.2.28 கோடி வசூலானது என்பதை ஏற்கனவே பார்த்தோம். இந்த நிலையில் இந்த படம் சூர்யாவின் கோட்டைகளில் ஒன்றாகிய தெலுங்கு மாநிலங்களில் ரூ.5.3 கோடி வசூலாகியுள்ளது. கர்நாடகாவில் ரூ.2.9 கோடியும், கேரளாவில் ரூ.4.1 கோடியும், இந்தியாவின் மற்ற மாநிலங்களில் ரூ.1.5 கோடியும், வெளிநாடுகளில் சுமார் ரூ.10 கோடியும் வசூல் செய்து சாதனை புரிந்துள்ளது