'சூர்யா 42' படத்தின் படப்பிடிப்பு இத்தனை நாடுகளிலா? ஆச்சரியத்தில் ரசிகர்கள்!
- IndiaGlitz, [Sunday,October 23 2022]
சூர்யா நடிப்பில் சிறுத்தை சிவா இயக்கத்தில் உருவாகி வரும் ’சூர்யா 42’ படத்தின் முதல்கட்ட படப்பிடிப்பு முடிவடைந்து விரைவில் இரண்டாம் கட்ட படப்பிடிப்பு தொடங்க உள்ளது. இந்த நிலையில் இந்த படத்தின் படப்பிடிப்பு நடைபெற உள்ள வெளிநாடுகள் குறித்த தகவல்களுக்கு பெரும் ஆச்சரியத்தை ஏற்படுத்தி உள்ளது.
’சூர்யா 42’ படத்தின் படப்பிடிப்பு கோவாவில் தொடங்கியது என்றும், முதல்கட்ட படப்பிடிப்பு கடந்த சில நாட்களுக்கு முன்னர் முடிவடைந்தது என்பதும் தெரிந்ததே. இந்த நிலையில் தீபாவளி கொண்டாட்டத்திற்கு பின்னர் இந்த படத்தின் அடுத்தக்கட்ட படப்பிடிப்பு சென்னை மற்றும் புதுச்சேரியில் நடைபெற உள்ளதாகவும் அதற்கான ஏற்பாடுகள் தயார் நிலையில் உள்ளதாகவும் கூறப்படுகிறது.
மேலும் இந்த படத்தின் பல காட்சிகள் வெளிநாடுகளில் படமாக்கப்பட உள்ளதாக ஏற்கனவே செய்திகள் வெளியான நிலையில் தற்போது ஐரோப்பிய நாடுகள் உள்பட பல நாடுகளில் இந்த படத்தின் படப்பிடிப்பு நடைபெற உள்ளதாக தகவல்கள் வெளியாகியுள்ளன.
முக்கியமாக பல்கேரியா, செர்பியா ஆகிய ஐரோப்பிய நாடுகளிலும் அதன் பின்னர் கம்போடியா, வியட்நாம், தாய்லாந்து, பிஜி ஆகிய நாடுகளிலும் இந்த படத்தின் படப்பிடிப்பு நடைபெற உள்ளதாக கூறப்படுகிறது.
தேவிஸ்ரீ பிரசாத் இசையில் உருவாகி வரும் இந்த படத்தை பெரும் பொருட்செலவில் ஸ்டுடியோ கிரீன் நிறுவனத்தின் ஞானவேல் ராஜா தயாரித்து வருகிறார் என்பது குறிப்பிடத்தக்கது.
தமிழ் உள்பட 10 மொழிகளில் உருவாக இருக்கும் சரித்திர கதையம்சம் கொண்ட இந்த படத்தில் அரத்தர், வெண்காட்டார், முக்காட்டார், மண்டாங்கர், பெருமனத்தார் ஆகிய 4 கேரக்டர்களில் சூர்யா நடிக்கவுள்ளார். சூர்யா ஜோடியாக திஷா பதானி நடித்து வரும் இந்த படம் வெற்றி பழனிசாமி ஒளிப்பதிவில் நிஷா யூசுப் படத்தொகுப்பில் இந்த படம் உருவாகி வருகிறது.