சூர்யா, அனுஷ்கா நடிப்பில் இயக்குனர் ஹரி இயக்கிய 'சிங்கம்' திரைப்படம் கடந்த 2010ஆம் ஆண்டு வெளியாகி சூப்பர் ஹிட் ஆகியது. இந்த படத்தின் வெற்றியை அடுத்து 'சிங்கம் 2' மற்றும் 'சிங்கம் 3' ஆகிய படங்களும் வெளியானது. விரைவில் 'சிங்கம் 4' உருவாகும் என எதிர்பார்க்கப்படுகிறது.

இந்த நிலையில் 'சிங்கம்' திரைப்படம் இந்தியில் அஜய்தேவ்கான் நடிப்பில் உருவாகி பாலிவுட்டிலும் மிகப்பெரிய வெற்றியை பெற்றது. அதேபோல் இந்த படம் கன்னடம் மற்றும் பெங்காலி மொழிகளிலும் ரீமேக் ஆனது

இந்த நிலையில் தமிழ், இந்தி, கன்னடம், பெங்காலியை அடுத்து தற்போது பஞ்சாபி மொழியிலும் ரீமேக் செய்யும் பணிகள் நடந்து வருகிறது. இந்த படத்தின் இணை தயாரிப்பாளராகிறார் நடிகர் அஜய்தேவ்கான் என்பது குறிப்பிடத்தக்கது.

நவானியத் சிங் இயக்கும் இந்த படத்தில் பர்மிஷ் வர்மா மற்றும் சோனம் பாஜ்வா முக்கிய வேடங்களில் நடிக்க ஹர்மீத்சிங் ஒளிப்பதிவு செய்யவுள்ளார்.