சூர்யா நடிப்பில் செல்வராகவன் இயக்கத்தில் உருவாகி வரும் 'என்.ஜி.கே.' திரைப்படத்தின் படப்பிடிப்பு சமீபத்தில் முடிவடைந்து தற்போது முழுவீச்சில் போஸ்ட் புரடொக்சன்ஸ் பணிகள் நடைபெற்று வருகிறது. இந்த நிலையில் இந்த படத்தின் டீசர் வரும் 14ஆம் தேதி வெளியாகவிருப்பதாக வெளிவந்த அறிவிப்பு குறித்த செய்தியை ஏற்கனவே பார்த்தோம்

தற்போது வந்துள்ள புதிய தகவலின்படி 'என்.ஜி.கே' டீசருக்கான டப்பிங் பணியை சூர்யா முடித்துவிட்டார். இதனை தயாரிப்பு நிறுவனம் ட்ரீம்வாரியர் பிக்சர்ஸ் தனது சமூக வலைத்தள பக்கத்தில் புகைப்படத்துடன் உறுதி செய்துள்ளது. மேலும் 'என்.ஜி.கே' டீசர் பணிகள் மும்முரமாக நடைபெற்று வருவதாகவும், ரசிகர்களுக்கு இன்னும் ஒருவாரத்தில் விருந்து காத்திருப்பதாகவும் இந்நிறுவனம் தெரிவித்துள்ளது.

சூர்யா, ரகுல் ப்ரித்திசிங், சாய்பல்லவி, பாலாசிங், மன்சூர் அலிகான், சம்பத்ராஜ், சரத்குமார், ஜெகபதிபாபு உள்ளிட்ட பலர் நடித்துள்ள இந்த படத்தை எஸ்.ஆர்.பிரபு தயாரித்துள்ளார்.   யுவன்ஷங்கர் ராஜா இசையமைத்துள்ள இந்த படத்திற்கு சிவகுமார் விஜயன் ஒளிப்பதிவும், பிரவீண் கே.எல் படத்தொகுப்பு பணியும் செய்துள்ளனர். இந்த படம் வரும் ஏப்ரலில் வெளியாகும் என எதிர்பார்க்கப்படுகிறது.