வரும் தீபாவளி திருநாளில் விஜய்யின் 'சர்கார்' மற்றும் சூர்யாவின் 'என்.ஜி.கே' ஆகிய இரண்டு படங்களும் வெளியாகும் என்று செய்திகள் வெளிவந்ததால் இருதரப்பு ரசிகர்களும் உற்சாகமாக இருந்தனர்.

இந்த நிலையில் சூர்யாவின் 'என்.ஜி.கே' தீபாவளிக்கு ரிலீஸ் ஆவது சந்தேகமே என்ற செய்தி வெளிவந்துள்ளது. 'என்.ஜி.கே' படத்தின் படப்பிடிப்பு சுமார் 60%க்கும் மேல் முடிந்துவிட்ட நிலையில் தொடர்ந்து படப்பிடிப்பு நடந்தால் நிச்சயம் தீபாவளிக்கு ரிலீஸ் ஆக வாய்ப்பு உள்ளது. ஆனால் திடீரென இந்த படத்தின் இயக்குனர் செல்வராகவனுக்கு உடல்நிலை சரியில்லை என்றும், அவர் ஒரு அறுவை சிகிச்சை செய்து கொண்டுள்ளதால் சில நாட்கள் அவர் ஓய்வில் இருக்க வேண்டும் என்று மருத்துவர்கள் அறிவுறுத்தியதாகவும் தெரிகிறது. எனவே இந்த படத்தின் அடுத்தகட்ட படப்பிடிப்பு காலதாமதம் ஆகும் என்று கூறப்படுகிறது.

இதன் காரணமாகவே 'என்.ஜி.கே' படத்தின் ரிலீஸ் தாமதமாகி இவ்வருட இறுதியில் அல்லது அடுத்த ஆண்டு வெளியாகும் என்று கூறப்படுகிறது. எனவே விஜய்யின் 'சர்கார்' தீபாவளி அன்று சோலோ ரிலீஸ் ஆக வாய்ப்பு அதிகம் உள்ளது.