சூர்யா நடிப்பில், சிறுத்தை சிவா இயக்கத்தில் உருவாகி வரும் ‘கங்குவா’ படத்தின் படப்பிடிப்பு விறுவிறுப்பாக நடைபெற்று வருகிறது என்பதை பார்த்து வருகிறோம். இந்த நிலையில் இந்த படத்தின் அதிரடி ஆக்சன் காட்சிகளின் படப்பிடிப்பு சமீபத்தில் தாய்லாந்தில் நடந்ததாகவும் அதில் சூர்யாவுடன் நூற்றுக்கணக்கான ஸ்டண்ட் கலைஞர்கள் நடித்ததாகவும் செய்திகள் வெளியானது.

இந்த நிலையில் நேற்று தீபாவளியை முன்னிட்டு ‘கங்குவா’ படத்தின் சிறப்பு போஸ்டர் வெளியானது. அதில் சூர்யா கையில் தீப்பந்தத்தை ஏந்தி இருக்கும் மாஸ் போஸ்டர் ரசிகர்கள் மத்தியில் வைரல் ஆனது.

அதுமட்டுமின்றி இந்த போஸ்டரில் இந்த திரைப்படம் வரும் கோடை விடுமுறையில் வெளியாகும் என்றும் அறிவிக்கப்பட்டுள்ளது. இதனை அடுத்து ஏப்ரல் அல்லது மே மாதம் இந்த படம் வெளியாகும் என்பது உறுதி செய்யப்பட்டுள்ளது.

சூர்யா ஜோடியாக திஷா பதானி நடிக்கும் இந்த படத்தில் யோகி பாபு, ரெடின் கிங்ஸ்லி, கோவை சரளா, ஆனந்தராஜ், ஜெகபதி பாபு, நடராஜன் சுப்பிரமணியம், பாபி தியோல் உள்ளிட்ட பலர் நடித்து வருகின்றனர். ரூ.350 கோடி பட்ஜெட்டில், 10 மொழிகளில் இந்த படம் அடுத்த ஆண்டு ஏப்ரல் மாதம் திரையிட திட்டமிடப்பட்டு வருவதாக கூறப்படுகிறது.
 

Dear all wish you a Happy happy Deepavali 🪔 #Kanguva pic.twitter.com/U2ibUBIsQh

— Suriya Sivakumar (@Suriya_offl) November 12, 2023