சூர்யா நடித்த ‘கங்குவா’ படத்தின் டிரைலர் கடந்த ஒரு மாதத்திற்கு முன்பு வெளியாகி, 33 மில்லியனுக்கும் மேற்பட்ட பார்வையாளர்களை பெற்ற நிலையில், இந்த படத்தின் இன்னொரு டிரைலர் ரிலீஸ் செய்யும் பணி நடைபெற்று வருகிறது என்று தகவல் வெளியாகியுள்ளது. இதனால் சூர்யா ரசிகர்கள் மிகுந்த உற்சாகத்தில் உள்ளனர்.

சூர்யா நடிப்பில், சிறுத்தை சிவா இயக்கத்தில், சுமார் ரூ.300 கோடிக்கும் மேற்பட்ட பட்ஜெட்டில் உருவாகியுள்ள திரைப்படம் ‘கங்குவா’. தமிழ் மட்டும் அல்லாமல், 10 மொழிகளில் திரையரங்குகளில் வெளியிட திட்டமிடப்பட்டுள்ளது. மேலும், இத்துடன் கூடுதலாக பல மொழிகளில் ஓடிடி தளங்களிலும் வெளியிட திட்டமிடப்பட்டுள்ளது. இந்த படம் நவம்பர் 14ஆம் தேதி வெளியிடப்படும் என சமீபத்தில் அறிவிக்கப்பட்டது.

இந்த நிலையில், ‘கங்குவா’ படத்தின் வெளியீட்டு தேதி நெருங்கி கொண்டிருக்கும் நிலையில், படக்குழு ப்ரமோஷன் பணிகளை தொடங்க திட்டமிட்டுள்ளதாகவும், முதல் கட்டமாக படத்தின் இசை வெளியீட்டு விழா நவம்பர் முதல் வாரத்தில் நடைபெறும் என்று கூறப்படுகிறது.

அதேபோல், இந்த படத்தின் செகண்ட் சிங்கிள் பாடல் இன்னும் ஒரு வாரத்தில் வெளியிடப்படும் என்றும், புதிய டிரைலர் விரைவில் ரிலீஸ் செய்யப்படும் என்றும் தகவல் வெளியாகியுள்ளது.

மேலும், இந்த படத்தில் சூர்யா, முதலையுடன் ஸ்டண்ட் செய்யும் காட்சிக்காக விஎஃப்‌எக்ஸ் செலவு மட்டும் ஒரு கோடி ரூபாய் செலவு செய்யப்பட்டதாக கூறப்படுகிறது. மொத்தத்தில், ‘கங்குவா’ படத்தின் தகவல்கள் வெளிவந்து கொண்டிருப்பதை பார்க்கும்போது இந்த படத்தின் எதிர்பார்ப்பு உச்சத்தை நோக்கி சென்று கொண்டிக்கிறது.