சூர்யாவின் 'சிறுக்கி சிங்கிள்' ரிலீஸ் தேதி அறிவிப்பு
- IndiaGlitz, [Wednesday,July 03 2019]
சூர்யாவின் என்.ஜி.கே' சமீபத்தில் வெளியான நிலையில் அவர் தற்போது 'காப்பான்' மற்றும் 'சூரரை போற்று' ஆகிய படங்களில் நடித்து வருகிறார். இதில் 'காப்பான்' திரைப்படத்தின் படப்பிடிப்புகள் முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்பாக நடைபெற்று வருகிறது
இந்த நிலையில் சற்றுமுன் 'காப்பான்' திரைப்படத்தின் சிங்கிள் ரிலீஸ் தேதி அறிவிக்கப்பட்டுள்ளது. ஹாரிஸ் ஜெயராஜ் இசையில் உருவாகியுள்ள 'சிறுக்கி' என்ற தொடங்கும் இந்த சிங்கிள் பாடல் வரும் 5ஆம் தேதி வெளியாகவிருப்பதாக அறிவிக்கப்பட்டுள்ளது. கே.வி.ஆனந்த், சூர்யா, ஹாரீஸ் ஜெயராஜ் மீண்டும் இணைந்த கூட்டணியில் உருவாகியிருக்கும் இந்த பாடல் நிச்சயம் சூப்பர் ஹிட்டாகும் என எதிர்பார்க்கப்படுகிறது
சூர்யா, மோகன்லால், சாயீஷா, ஆர்யா, பொமன் இரானி, சமுத்திரக்கனி, பூர்ணா, பிரேம், தலைவாசல் விஜய், உள்பட பலர் நடித்துள்ள இந்த படத்தை லைகா நிறுவனம் பெரும் பொருட்செலவில் தயாரித்து வருகிறது. இந்த படம் வரும் ஆகஸ்ட் 30ஆம் தேதி ரிலீஸ் என ஏற்கனவே அறிவிக்கப்பட்டுள்ளது என்பது குறிப்பிடத்தக்கது