வெள்ளம் நேரத்தில் பொதுமக்களுக்கு உதவி செய்த ரசிகர்களுக்கு சூர்யா கொடுத்த இன்ப அதிர்ச்சி..!
- IndiaGlitz, [Monday,March 04 2024]
கடந்த ஆண்டு டிசம்பர் மாதம் சென்னை மற்றும் அதன் சுற்றுப்புறத்திலும் அதன் பிறகு சில நாட்கள் கழித்து தென் மாவட்டங்களில் பெய்த கனமழை மற்றும் பெரு வெள்ளம் காரணமாக ஏராளமான மக்கள் பாதிக்கப்பட்டனர்.
இந்த நிலையில் வெள்ளத்தால் பாதிக்கப்பட்ட மக்களுக்கு சூர்யாவின் ரசிகர்கள் தன்னலம் கருதாமல் உதவி செய்தனர் என்பதும் தங்களால் முடிந்த சமூக பணிகளை செய்ததை அடுத்து அவர்களுக்கு பாராட்டுக்கள் குவிந்து வந்தது என்பது தெரிந்தது.
இந்த நிலையில் வெள்ள நேரத்தில் பொதுமக்களுக்கு உதவியாக இருந்த தனது ரசிகர்களுக்கு நேற்று அவர் தனது கையாலே விருந்து வைத்து அவர்களுக்கு பாராட்டும் தெரிவித்துள்ளார்.
நடிகர் சூர்யா அவ்வப்போது ரசிகர்களை சந்தித்து ரசிகர் மன்ற நிர்வாகம் மற்றும் பொதுமக்களுக்கு செய்யும் சமூக சேவைகள் குறித்து ஆலோசனை செய்து வருவார் என்பது தெரிந்தது.
அந்த வகையில் நேற்று திடீரென இன்ப அதிர்ச்சியாக வெள்ளத்தால் பாதிக்கப்பட்ட மக்களுக்கு தேவையான உதவிகளை செய்த தன்னுடைய ரசிகர்களுக்கு தடபுடலாக விருந்து வைத்து அசத்தியுள்ளார். சூர்யாவின் இந்த செயலுக்கு அவருக்கு பாராட்டுக்கள் குவிந்து வருகிறது. இது குறித்து புகைப்படங்கள் இணையத்தில் வைரல் ஆகி வருகிறது.