వివాదంలో సూర్య 'గ్యాంగ్' ...
- IndiaGlitz, [Saturday,January 06 2018]
సూర్య, కీర్తిసురేష్ జంట‌గా నటించిన చిత్రం 'గ్యాంగ్'. విఘ్నేశ్ శివ‌న్ ద‌ర్శ‌కుడు. జ్ఞాన‌వేల్ రాజా ఈ సినిమాను త‌మిళంలో విడుదల చేస్తుంటే, తెలుగులో యు.వి.క్రియేష‌న్స్ బ్యాన‌ర్‌పై ప్ర‌మోద్‌, వంశీలు విడుదల చేస్తున్నారు.
తాజాగా ఈసినిమా త‌మిళ వెర్ష‌న్‌పై వివాదం రాజుకుంది. చిత్రంలో సొడ‌క్క సాంగ్ చాలా పాపులర్ అయ్యింది. అందులో అధిగార తిమురా..ప‌న‌క్కార ప‌వ‌రా.. అనే ప‌దాలు ప్ర‌భుత్వాన్నికించ‌ప‌రిచేలా ఉన్నాయ‌ని, అన్నా డి.ఎం.కె నేత ఒక‌రు పోలీసుల‌కు కంప్లైంట్ చేశారు. ఆ పాట‌ను తీసేయాల‌ని ఆయ‌న పోలీసుల‌ను కోరారట. పోలీసులు ద‌ర్శ‌క నిర్మాత‌ల‌కు నోటీసులు పంపార‌ని స‌మాచారం. అయితే జ్ఞాన‌వేల్ రాజా మాత్రం త‌మ‌కు ఏ నోటీసులు అంద‌లేద‌న్నారు.