தமிழ் திரையுலகின் முன்னணி நடிகர்களில் ஒருவரான சூர்யா விரைவில் பாலிவுட்டில் அறிமுகமாக இருப்பதாகவும் மகாபாரத கதையில் ஒரு முக்கிய கேரக்டரில் நடிக்க அவரிடம் பேச்சுவார்த்தை நடைபெற்று வருவதாகவும் தகவல் வெளியாகியுள்ளது

நடிகர் சூர்யா தற்போது சிறுத்தை சிவா இயக்கத்தில் உருவாகி வரும் ’கங்குவா’ என்ற படத்தில் நடித்து வருகிறார். இதனை அடுத்து அவர் சுதா கொங்கரா இயக்க இருக்கும் ’சூர்யா 43’ படத்தில் நடிக்க உள்ளார். அதன்பின் அவர் ’வாடிவாசல்’ உள்பட ஒருசில படங்களில் நடிப்பதற்காக தயாராகி வருகிறார்.

இந்த நிலையில் பாலிவுட்டில் பிரமாண்டமாக உருவாக இருக்கும் மகாபாரத கதையில் கர்ணன் கேரக்டரில் நடிக்க சூர்யாவிடம் பேச்சுவார்த்தை நடைபெற்று வருவதாகவும் விரைவில் இது குறித்து அறிவிப்பு வெளியாகும் என்று கூறப்படுகிறது

ராகேஷ் ஓம்பிரகாஷ் மெஹ்ரா இயக்கத்தில் உருவாகும் இந்த படத்தின் பட்ஜெட் ரூ.500 கோடி என்றும் வரும் ஜூன் மாதம் இந்த படத்தின் படப்பிடிப்பு தொடங்கும் என்றும் கூறப்படுகிறது. இந்த படத்தின் நாயகியாக ஜான்வி கபூர் நடிக்கவுள்ளார் என்பது குறிப்பிடத்தக்கது.