இயக்குனர் சங்கத்திற்கு சூர்யா செய்த சிறப்புக்குரிய உதவி!
- IndiaGlitz, [Thursday,October 10 2019]
சூர்யா நடித்த ‘காப்பான்’ திரைப்படம் சமீபத்தில் வெளியாகி நல்ல வரவேற்பை பெற்றதை அடுத்து அந்த படத்தில் பணிபுரிந்த அனைவருக்கும் நடிகர் சூர்யா தங்கக்காசுகள் வழங்கி கெளரவித்தார் என்பது தெரிந்ததே
இந்த நிலையில் இம்மாதம் 27ஆம் தேதி தீபாவளி பண்டிகை வருவதையொட்டி, தமிழ்நாடு திரைப்பட இயக்குநர்கள் சங்க அறக்கட்டளைக்கும், இயக்குநர்கள் மற்றும் துணை இயக்குநர்கள் நல நிதியாகவும் நடிகர் சூர்யா ரூ.10 லட்சம் நன்கொடை வழங்கியுள்ளார். அதற்கான காசோலையை தமிழ் திரைப்பட இயக்குநர்கள் சங்கத்தின் பொது செயலாளர் ஆர்.வி.உதயகுமாரிடம் சூர்யா வழங்கியுள்ளார். சூர்யாவின் இந்த சிறப்புக்குரிய உதவிக்கு இயக்குனர் சங்கத்தினர் நன்றி தெரிவித்துள்ளனர்.
சூர்யா தற்போது ‘சூரறை போற்று’ என்ற படத்தில் நடித்து வருகிறார். இந்த படத்தை அடுத்து அவர் இயக்குனர் சிறுத்தை சிவா இயக்கத்தில் நடிப்பார் என்று எதிர்பார்க்கப்படுகிறது