వెంకీ రావడం లేదు...సూర్య వస్తున్నాడు..!
- IndiaGlitz, [Tuesday,January 17 2017]
విక్ట‌రీ వెంక‌టేష్ నటించిన తాజా చిత్రం గురు. బాలీవుడ్ మూవీ సాలా ఖ‌దూస్ చిత్రానికి రీమేక్ గా ఈ చిత్రం రూపొందుతుంది. ఈ చిత్రాన్ని సుధ కొంగ‌ర తెరకెక్కిస్తున్నారు. ఇటీవ‌ల రిలీజ్ చేసిన టీజ‌ర్ కు అనూహ్య‌మైన స్పంద‌న ల‌భించింది. ఈ చిత్రాన్ని ఈనెల 26న రిలీజ్ చేయాలి అనుకున్నారు కానీ కొన్ని కార‌ణాల వ‌ల‌న రిలీజ్ చేయ‌డం లేదు.
ఇక తమిళ హీరో సూర్య నటించిన తాజా చిత్రం సింగం 3. ఈ చిత్రాన్ని హరి తెరకెక్కించారు. సూర్య స‌ర‌స‌న అనుష్క, శృతిహాస‌న్ న‌టించారు. ఈ మూవీని డిసెంబ‌ర్ లో రిలీజ్ చేయాలి అనుకున్నారు కానీ కుద‌ర‌లేదు. ఈనెల 26న తెలుగు, త‌మిళ్ లో సింగం 3 చిత్రాన్ని రిలీజ్ చేస్తున్నారు. ఈనెల 26న వెంకీ, సూర్య ఇద్ద‌రూ త‌మ సినిమాల‌తో ప్రేక్ష‌కుల ముందుకు వ‌స్తారు అనుకున్నారు కానీ...సూర్య ఒక్క‌డే వస్తున్నాడు. మ‌రి... సింగం, సింగం 2 వ‌లే సింగం 3 కూడా స‌క్సెస్ సాధించి అంచ‌నాల‌ను అందుకుంటుందేమో చూడాలి.