சிறுத்தை சிவா படத்தில் சூர்யாவுக்கு எத்தனை கேரக்டர்? ஆச்சரியமான தகவல்
- IndiaGlitz, [Thursday,September 15 2022]
சூர்யா நடித்துவரும் 42வது படமான ’சூர்யா 42’ படத்தை சிறுத்தை சிவா இயக்கி வருகிறார் என்பதும் ஸ்டுடியோ க்ரீன் நிறுவனம் தயாரித்து வரும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் தெரிந்ததே.
மேலும் இந்த படத்தின் மோஷன் போஸ்டர் சமீபத்தில் வெளியான நிலையில் இந்த படம் 3டி டெக்னாலஜியில் உருவாக இருப்பதாகவும் தமிழ் உள்பட 10 மொழிகளில் உருவாக இருப்பதாகவும் அறிவிக்கப்பட்டது.
மேலும் சரித்திர கதையம்சம் கொண்ட இந்த படத்தில் அரத்தர், வெண்காட்டார், முக்காட்டார், மண்டாங்கர், பெருமனத்தார் ஆகிய 5 கேரக்டர்கள் உள்ளது என்றும் அறிவிக்கப்பட்டிருந்தது.
இந்த நிலையில் தற்போது வந்துள்ள தகவல்கள் மேற்கண்ட ஐந்து கேரக்டர்களிலும் சூர்யாவே நடிக்க இருக்கிறார் என்ற தகவல் பெரும் ஆச்சரியத்தை ஏற்படுத்தியுள்ளது. ’தசாவதாரம்’ படத்தில் கமல்ஹாசன் 10 வித்தியாசமான கேரக்டர்களில் நடித்த நிலையில் சூர்யா தற்போது 5 கேரக்டர்களில் நடிக்கிறார் என்பதும், சரித்திர படங்களில் நாயகன் ஒருவர் 5 கேரக்டர்கள் நடிப்பது அனேகமாக இதுதான் முதல்முறை என்றும் கூறப்படுகிறது.
சூர்யா ஜோடி திஷா பதானி நடிக்கும் இந்த படத்திற்கு தேவிஸ்ரீபிரசாத் இசையமைத்து வருகிறார் என்பதும் வெற்றி பழனிச்சாமி ஒளிப்பதிவில் நிஷா யூசூப் படத்தொகுப்பில் இந்த படம் உருவாகி வருகிறது என்பது குறிப்பிடத்தக்கது.