புத்தாண்டை சூர்யா கொண்டாடியது எந்த நாட்டில் தெரியுமா?
- IndiaGlitz, [Wednesday,January 02 2019]
2019ஆம் ஆண்டின் புத்தாண்டு உலகம் முழுவதும் நேற்று வெகுசிறப்பாக கொண்டாடப்பட்ட நிலையில் கோலிவுட் திரையுலகினர் பலர் வெளிநாடுகளிலும் உள்நாட்டிலும் நேற்றைய புத்தாண்டை கொண்டாடினர்.
அந்த வகையில் நடிகர் சூர்யா நேற்றைய புத்தாண்டை குடும்பத்துடன் மாலத்தீவில் கொண்டாடியுள்ளார். மாலத்தீவில் நேற்று கொண்டாடிய புத்தாண்டு வாழ்க்கையில் மறக்க முடியாத நாளாக இருந்ததாக சூர்யா தனது சமூக வலைத்தளத்தில் குறிப்பிட்டுள்ளார். மேலும் மாலத்தீவில் குடும்பத்துடன் எடுத்த புகைப்படங்களையும் அவர் பதிவு செய்துள்ளார்.
இந்த நிலையில் சூர்யா நடித்து வரும் 'என்.ஜி.கே' மற்றும் 'காப்பான்' ஆகிய இரண்டு திரைப்படங்களின் படப்பிடிப்புகளும் விறுவிறுப்புடன் நடைபெற்று வருகிறது. இந்த இரண்டு படங்களும் இந்த ஆண்டு வெளியாகவுள்ளதால் இந்த ஆண்டு சூர்யாவின் ரசிகர்களுக்கு இரட்டை விருந்து காத்திருக்கின்றது.