உலகநாயகன் கமல்ஹாசன் நடிப்பில் லோகேஷ் கனகராஜ் இயக்கத்தில் உருவான ’விக்ரம்’ திரைப்படத்தில் சூர்யா, ரோலக்ஸ் என்ற கேமியோ ரோலில் நடித்து இருப்பார் என்பதும் இந்த படத்தின் வெற்றிக்கு அவருடைய கேரக்டரும் ஒரு காரணம் என்பதும் தெரிந்ததே.

அதுமட்டுமின்றி இந்த படத்தில் நடிப்பதற்காக அவர் ஒரு பைசா கூட சம்பளம் வாங்காமல் நடித்த நிலையில் இந்த படத்தில் நடித்ததற்காக கமல் ஹாசன் அவருக்கு ரோலக்ஸ் வாட்ச் பரிசாக கொடுத்தார் என்பதும் குறிப்பிடத்தக்கது.

இந்த நிலையில் ’விக்ரம்’ படத்தை அடுத்து மாதவன் நடித்து இயக்கிய ’ராக்கெட்டரி’ திரைப்படத்திலும் சூர்யா கேமியோ ரோலில் நடித்துள்ளார். அவர் இந்த படத்தில் சூர்யாவாகவே வருகிறார் என்பது குறிப்பிடத்தக்கது. இந்த படத்தில் நடித்ததற்காகவும் சூர்யா ஒரு பைசா கூட சம்பளம் வாங்கவில்லை என்றும் மாதவனுடனான நட்பு காரணமாக இந்த படத்தில் அவர் சிறப்பு தோற்றத்தில் நடிக்க சம்மதித்ததாக கூறப்படுகிறது. இந்த படம் ஜூலை 1ஆம் தேதி உலகம் முழுவதும் திரையரங்குகளில் வெளியாக உள்ளது.

இந்த நிலையில் ’சூரரை போற்று’ இந்தி ரீமேக் திரைப்படத்திலும் சூர்யா கேமியோ ரோலில் நடித்து வருகிறார் என்பது குறிப்பிடத்தக்கது.