வடிவேல் நடித்த 'இம்சை அரசன் 23ஆம் புலிகேசி' மற்றும் விஜய் நடித்த 'புலி' உள்பட ஒருசில படங்களை இயக்கிய சிம்புதேவன், இயக்குனர் வெங்கட்பிரபுவின் தயாரிப்பில் ஒரு திரைப்படத்தை இயக்கவுள்ளதாக வெளிவந்த தகவலை ஏற்கனவே பார்த்தோம்

இந்த நிலையில் இந்த படத்தின் டைட்டில் மற்றும் நடிக்கும் நட்சத்திரங்கள் குறித்த தகவலை இன்று இரவு 7 மணிக்கு நடிகர் சூர்யா வெளியிடவுள்ளார். வெங்கட்பிரபுவின் பிளாக் டிக்கெட் கம்பெனி தயாரிக்கும் இந்த படத்தில் பல ஆச்சரியங்கள் காத்திருப்பதாக படக்குழுவினர் தெரிவித்துள்ளனர். இந்த படத்தை பிளாக் டிக்கெட் கம்பெனியுடன் டிரைடண்ட் ஆர்ட்ஸ் நிறுவனமும் இணைந்து தயாரிக்கின்றது.

இதுகுறித்து இயக்குனர் சிம்புதேவன் தனது சமூக வலைத்தளத்தில் 'உங்கள் அனைவரும் ஆசியால் எனது அடுத்த பயணம் தொடங்கிவிட்டது. சூர்யா, வெங்கட்பிரபு மற்றும் டிரைடண்ட் ஆர்ட்ஸ் ரவீந்திரன் ஆகியோர்களுக்கு எனது நன்றி' என்று தெரிவித்துள்ளார்.