கடந்த சில நாட்களாக ஒட்டுமொத்த திரையுலகமும் வேலைநிறுத்தத்தில் ஈடுபட்டிருக்கும் நிலையில் தயாரிப்பாளர்களின் பிரச்சனைகளை தீர்க்க தினமும் ஒரு சங்கத்திடம் தயாரிப்பாளர் சங்க நிர்வாகிகள் ஆலோசனை செய்து வருகின்றனர்.

அந்த வகையில் நடிகர் சங்கத்துடன் தயாரிப்பாளர் சங்கம் ஆலோசனை செய்தது. இந்த ஆலோசனன கூட்டத்தில் தயாரிப்பாளர்களின் செலவை குறைக்கும் வகையில் நடிகர்களின் உதவியாளர்களுக்கு ஃபெப்சி தொழிலாளர்களுக்கு வழங்கப்படும் ஊதியம் வழங்குவதென முடிவெடுக்கப்பட்டது. அதற்கு மேல் உதவியாளர்களின் செலவு ஆனால், அந்த தொகையை நடிகர்களே வழங்க வேண்டுமெனவும் தீர்மானிக்கப்பட்டது. ஆனால் நடிகர் சூர்யா, தனது உதவியாளரின் முழு செலவையும் தானே ஏற்பதாக ஒப்புக்கொண்டார். இதனையடுத்து விஷால் மற்றும் கார்த்தியும் தங்கள் உதவியாளர்களின் செலவை தாங்களே ஏற்று கொள்வதாக அறிவித்தனர்.

இதே போல் அனைத்து நடிகர்களும் தங்களுடைய உதவியாளரின் செலவை ஒப்புக்கொண்டால் தயாரிப்பாளர்களுக்கு ரூ.20 லட்சம் அளவில் தயாரிப்பு செலவு குறையும் என்பது குறிப்பிடத்தக்கது. சூர்யா, விஷால், கார்த்தியின் இந்த முடிவுக்கு நடிகர் சங்க தலைவர் நாசர் பாராட்டு தெரிவித்துள்ளார். இவர்கள் மூவரை போல் மற்ற நடிகர்களும் தங்களுடைய உதவியாளர்களின் செலவை அவர்களே ஏற்றுக்கொள்வார்களா? என்பதை பொறுத்திருந்து பார்ப்போம்