இதுவரை சிங்கிளாக.. இப்போது ஜோடியாக.. வேற லெவலில் வைரலாகும் சூர்யா-ஜோதிகா வீடியோ..
- IndiaGlitz, [Wednesday,April 03 2024]
இதுவரை சூர்யா மற்றும் ஜோதிகா தனித்தனியாக வொர்க்-அவுட் செய்யும் புகைப்படங்கள் மற்றும் வீடியோக்களை தங்களது சமூக வலைதளங்களில் பதிவு செய்த நிலையில் தற்போது முதல் முறையாக சூர்யா, ஜோதிகா இருவரும் இணைந்து வொர்க்-அவுட் செய்யும் வீடியோ இணையத்தில் வைரல் ஆகி வருகிறது.
தமிழ் திரை உலகின் நட்சத்திர ஜோடிகளில் ஒன்றான சூர்யா - ஜோதிகா ஜோடி தற்போது திரையுலகில் பிஸியாக இருக்கிறது என்பதும் சூர்யா ’கங்குவா’ படத்தை முடித்துவிட்டு அடுத்ததாக ’கர்ணா’ மற்றும் கார்த்திக் சுப்புராஜ் இயக்கும் படங்களில் நடிக்க இருக்கிறார் என்பதை தெரிந்தது. அதேபோல் சமீபத்தில் வெளியான ’சைத்தான்’ என்ற வெற்றி படத்தின் நடித்த ஜோதிகா, 2 பாலிவுட் படங்களில் நடித்துக் கொண்டிருப்பதாகவும் தகவல் வெளியாகி உள்ளது.
இந்நிலையில் ஜோதிகா அவ்வப்போது, சூர்யா எப்போதாவது ஜிம்மில் வொர்க்-அவுட் செய்யும் புகைப்படங்கள் மற்றும் வீடியோக்களை வெளியிட்டு வரும் நிலையில் தற்போது சூர்யா, ஜோதிகா ஆகிய இருவரும் இணைந்து வொர்க்-அவுட் செய்யும் வீடியோ ஜோதிகாவின் இன்ஸ்டாகிராம் பக்கத்தில் பதிவு செய்யப்பட்டுள்ளது.
இருவரும் மிகவும் நேர்த்தியாக அதே நேரத்தில் பொறுப்புடன் வொர்க்-அவுட் செய்யும் காட்சிகள் அதில் இருப்பதை அடுத்து இந்த வீடியோவுக்கு லைக்ஸ், கமெண்ட் குவிந்து வருகிறது. மேலும் ஏராளமான திரையுலக பிரபலங்கள் இந்த வீடியோவுக்கு லைக் பதிவு செய்து வருகின்றனர் என்பது குறிப்பிடத்தக்கது.