மும்பை ரெஸ்டாரன்ட் ஒன்றில் சூர்யா மற்றும் அவரது மனைவி ஜோதிகா இருந்த புகைப்படங்கள் இணையதளங்களில் வைரலாகி வருகின்றன.

தமிழ் சினிமாவின் முன்னணி நடிகர்களில் ஒருவரான சூர்யா தற்போது பாலா இயக்கத்தில் உருவாகி வரும் ‘வணங்கான்’ என்ற திரைப்படத்தில் நடித்து வருகிறார். இந்த படத்தை முடித்துவிட்டு அவர் வெற்றிமாறன் இயக்கும் ‘வாடிவாசல்’ படத்தில் நடிக்க உள்ளார் என்பதும் அதனை அடுத்து அவர் சிறுத்தை சிவா, ஞானசேகர், சுதா கொங்கரா ஆகிய இயக்குனர்களின் படங்களில் நடிக்க உள்ளார் என்பது குறிப்பிடத்தக்கது.

இந்த நிலையில் மும்பை நிறுவனத்தின் தயாரிப்பில் ஒரு பான் - இந்தியா திரைப்படத்தில் சூர்யா நடிக்க இருப்பதாக கடந்த சில நாட்களாக செய்திகள் வெளியாகி கொண்டிருக்கின்றது. இதற்காக அவர் தனது மனைவியுடன் மும்பை சென்றதாகவும் இந்த படம் குறித்த ஒப்பந்தம் விரைவில் கையெழுத்தாகும் என்றும் கூறப்படுகிறது.

இந்த நிலையில் மும்பையில் உள்ள ஒரு ரெஸ்டாரெண்டில் சூர்யா மற்றும் ஜோதிகா இருந்ததை அடுத்து அங்குள்ளவர்கள் எடுத்த புகைப்படங்கள் தற்போது இணையதளங்களில் வைரலாக வருகின்றன.