'சூர்யா 44' பட ஹீரோயினுக்கு இத்தனை கோடி சம்பளமா? நயனை தொட்டு விடுவாரோ?
- IndiaGlitz, [Tuesday,June 18 2024]
சூர்யா நடிப்பில், கார்த்திக் சுப்புராஜ் இயக்கத்தில் உருவாகி வரும் ’சூர்யா 44 ’படத்தின் படப்பிடிப்பு அந்தமானில் நடைபெற்று வரும் நிலையில் இந்த படத்தில் நாயகியாக நடித்து வரும் நடிகை பூஜா ஹெக்டேவுக்கு கொடுக்கப்பட்டிருக்கும் சம்பளம் குறித்த தகவல் இணையத்தில் வைரல் ஆகி வருகிறது.
மிஷ்கின் இயக்கிய ’முகமூடி’ என்ற திரைப்படத்தின் மூலம் திரையுலகில் அறிமுகமானவர் பூஜா ஹெக்டே. அதன் பிறகு அவர் பல தெலுங்கு படங்களில் நடித்த நிலையில் மீண்டும் தமிழில் விஜய் நடித்த ’பீஸ்ட்’ படத்தின் மூலம் ரீஎன்ட்ரி ஆனார். அந்த படம் எதிர்பார்த்த வெற்றி பெறவில்லை. அதேபோல் பூஜா ஹெக்டே நடித்த ’ராதே ஷ்யாம்’ மற்றும் ’ஆச்சார்யா’ படங்களும் சுமாரான வெற்றியை பெற்றது.
இந்த நிலையில் தற்போது சூர்யா நடிக்கும் 44 வது படத்தின் நாயகியாக பூஜா ஹெக்டே நடித்து வரும் நிலையில் இந்த படத்தில் அவருக்கு 4 கோடி ரூபாய் சம்பளம் வழங்கப்பட்டு இருப்பதாக கூறப்படுகிறது. ஏற்கனவே அவர் பாலிவுட்டில் ’தேவா’ என்ற படத்தில் நடித்துக் கொண்டிருக்கும் நிலையில் இந்த இரண்டு படங்களும் ஹிட்டானால் அவருக்கு இன்னும் அதிக சம்பளம் கிடைக்க வாய்ப்பிருப்பதாகவும் கூடிய விரைவில் நயன்தாராவை தொடவும் வாய்ப்பு இருப்பதாகவும் திரை உலக வட்டாரங்கள் கூறுகின்றன.
’சூர்யா 44’ படத்தில் நாயகிக்கு முக்கியத்துவம் உள்ள கேரக்டர் என்பதால் இந்த படம் தனக்கு நிச்சயம் நல்ல பெயரை வாங்கி கொடுக்கும் என்று பூஜா ஹெக்டே நம்பிக்கை தெரிவித்துள்ளதாக கூறப்படுகிறது.