நடிகர் சூர்யா தற்போது சிறுத்தை சிவா இயக்கத்தில் உருவாகி வரும் ’கங்குவா’ என்ற திரைப்படத்தில் நடித்து வரும் நிலையில் இந்த படத்தின் படப்பிடிப்பு இன்னும் ஒரு சில மாதங்களில் முடிந்துவிடும் என்று கூறப்படுகிறது.

இதனை அடுத்து சூர்யாவின் 43வது படம், சுதா கொங்கரா இயக்கத்தில் உருவாக இருப்பதாக செய்திகள் வெளியாகிக் கொண்டிருக்கின்றன. மேலும் இந்த படம் ஜிவி பிரகாஷின் 100வது படமாகவும் அமைய உள்ளது என்பது குறிப்பிடத்தக்கது.

இந்த நிலையில் கமல்ஹாசனின் ’விக்ரம்’ திரைப்படம் மல்டி ஸ்டார் படமாக வெளியாகி ரூ.300 கோடிக்கும் அதிகமாக வசூல் செய்த நிலையில் சூர்யாவின் 43வது படமும் மல்டி ஸ்டார் படமாக உருவாக இருப்பதாக கூறப்படுகிறது.

முதல் கட்டமாக இந்த படத்தில் பிரபல மலையாள நடிகர் துல்கர் சல்மான் இணைந்துள்ளார் என்ற செய்தி வெளியான நிலையில் தற்போது பிரபல தெலுங்கு மற்றும் பாலிவுட் நடிகர்கள் இணைய இருப்பதாக கூறப்படுகிறது. எனவே இந்த படம் பிரமாண்டமான பட்ஜெட்டில் மல்டி ஸ்டார் படமாக உருவாக இருப்பதை அடுத்து இந்த படத்திற்கு மிகப்பெரிய எதிர்பார்ப்பு இருக்கும் என்றும் கூறப்படுகிறது.