'சூர்யா 42' படத்தின் டைட்டில் இதுதான்.. இணையத்தில் வைரலாகும் மாஸ் தகவல்..!
- IndiaGlitz, [Tuesday,February 28 2023]
சூர்யா நடிப்பில் சிவா இயக்கத்தில் உருவாகி வரும் ’சூர்யா 42’ என்ற படத்தின் படப்பிடிப்பு விறுவிறுப்பாக நடைபெற்று வருகிறது என்பதும் இந்த படத்தில் சூர்யா 10க்கும் மேற்பட்ட கெட்டப்களில் நடித்து வருவதாகவும் கூறப்படுகிறது. சரித்திர கதை அம்சம் கொண்ட இந்த படத்தின் திரைக்கதை இதுவரை தமிழ் சினிமா பார்த்திராத வித்தியாசமான அம்சமாக இருக்கும் என்றும் அதுமட்டுமின்றி பிரமாண்டமாக இந்த படம் தயாரிக்கப்பட்டு வருகிறது என்பதும் தெரிந்ததே.,
இந்த படத்தை ஸ்டூடியோ க்ரீன் ஞானவேல் ராஜா பிரமாண்டமாக பெரும் பொருட்செலவில் தயாரித்து வருகிறார். மேலும் இந்த படத்தின் டைட்டில் ’வீர்’ என்று வைக்கப்பட்டுள்ளதாகவும் சிறுத்தை சிவாவின் ’வி’ சென்டிமென்ட் இந்த படத்திலும் தொடர வாய்ப்பு இருப்பதாகவும் கூறப்பட்டது.
ஆனால் தற்போது வந்துள்ள தகவலின்படி ’சூர்யா 42' படத்திற்கு 'SWORD’ என்ற டைட்டில் வைக்கப்பட்டுள்ளதாகவும் இந்த படம் கிட்டத்தட்ட 10 மொழிகளில் வெளியாக உள்ளதால் அனைத்து மொழிகளுக்கும் பொருந்தும் வகைகளில் இந்த டைட்டில் இருக்கும் எனவும் படக்குழுவினர் முடிவு செய்திருப்பதாக கூறப்படுகிறது. மேலும் ’சூர்யா 42' படத்தின் டைட்டில் குறித்த அறிவிப்பு விரைவில் வெளியாகும் என்று எதிர்பார்க்கப்படுகிறது.
சூர்யா ஜோடியாக திஷா பதானி நடித்து வரும் இந்த படத்தில் யோகி பாபு உள்ளிட்ட பலர் நடித்து வருகின்றனர். தேவி ஸ்ரீ பிரசாத் இசையில் உருவாகி வரும் இந்த படம் இவ்வாண்டு இறுதியில் வெளியாகும் என எதிர்பார்க்கப்படுகிறது.