టాలీవుడ్ సూపర్ స్టార్ మహేష్ బాబు పుట్టిన రోజు ఆగస్ట్-09 అన్న విషయం తెలిసిందే. నిజంగా ఇది మహేశ్ అభిమానులు పెద్ద పండుగ రోజే. ఆ రోజు ఇక తెలుగు రాష్ట్రాల్లోనే కాదు ప్రపంచ వ్యాప్తంగా ఉన్న మహేశ్ వీరాభిమానులు, డై హార్డ్ ఫ్యాన్స్‌ సంబరాలు అంబరాన్నంటుతాయి. అయితే ఇదే రోజు మహేశ్ ఫ్యాన్స్‌కు సర్‌ఫ్రైజ్ ఇవ్వడానికి ‘సరిలేరు నీకెవ్వరు’ చిత్రం డైరెక్టర్ అనీల్ రావిపూడి ప్లాన్ చేస్తున్నారట. ఇదే జరిగితే నిజంగా మహేశ్ అభిమానులకు అనీల్ మంచి కిక్ ఇచ్చినట్లే మరి.

సూపర్ స్టార్‌ పుట్టిన రోజు సందర్భంగా మైక్రో టీజర్ లేదా ఫస్ట్ లుక్‌ను అధికారికంగా విడుదల చేసే అవకాశాలు మెండుగా ఉన్నాయి. ఈ రెండింటిలో ఏది విడుదలైనా ఇక మహేశ్ అభిమానుల ఆనందం రెట్టింపవుతుందని చెప్పుకోవచ్చు. కాగా ఇప్పటికే ఈ చిత్రంలో మహేష్ ఆర్మీ ఆఫీసర్‌గా నటిస్తున్నట్లు ఓ పిక్‌ను చిత్రబృందం రిలీజ్ చేసింది. అంతేకాదు.. కొద్దిరోజుల  క్రితమే కాశ్మీర్‌లో తొలి షెడ్యూల్ కూడా పూర్తిచేసుకుగా.. త్వరలోనే రష్మిక మందన్న హీరోయిన్‌తో సెకండ్ షెడ్యూల్‌ను ప్లాన్ చేస్తోంది.

మరోవైపు ఈ చిత్రంలో అలనాటి సీనియర్ నటి.. ప్రస్తుతం తెలంగాణ కాంగ్రెస్ మహిళా నేత విజయశాంతి కీలక పాత్రలో నటిస్తున్నారు. ఇప్పటికే ఓ ప్రధాన పాత్ర నుంచి హీరో కమ్ విలన్ జగపతి బాబు తప్పుకోగా.. ప్రకాష్ రాజ్ ఆ పాత్రలో నటిస్తున్నారని వార్తలు వచ్చిన విషయం విదితమే. మొత్తానికి చూస్తే ఆగస్ట్-09న ‘సరిలేరు నీకెవ్వరు’ చిత్రబృందం ఇచ్చే సర్‌ఫ్రైజ్ కోసం ఎంతగానో ఎదురుచూస్తున్నారు.